Gujarati News

Gujarati News

News of Thursday, 18th October 2018

પાકિસ્તાન સરકારે હરાજી માટે 19 બુલેટપ્રુફ કાર સહીત 49 વાહનો રાખ્યા:માત્ર એક કાર વેચાઈ

હવે આગામી હરાજી ઈસ્લામાબાદમાં 25 ઓક્ટોબરે થશે.

 

ઈસ્લામાબાદઃ રોકડના સંકટનો સામનો કરી રહેલી પાકિસ્તાન સરકારે બુધવારે 49 અને સરકારી વાહનોની હરાજી માટે મૂક્યા હતા. તેમાં 19 બુલેટ પ્રૂફ કાર સામેલ રહી છે. તેમાં માત્ર એક કારની હરાજી સફળ રહી છે.

 એક મહિના અગાઉ સરકાર પ્રથમ તબક્કામાં 61 સરકારી વાહનોની હરાજી કરી ચૂકી છે. સરકારે અગાઉ વડાપ્રધાન આવાસની આઠ ભેંસોની પણ હરાજી કરી હતી. તેનાથી સરકારને 23 લાખ રૂપિયાની આવક થઈ હતી. ભેંસોને પૂર્વ વડાપ્રધાન નવાઝ શરીફે પાળી હતી. કોઈ એક ભેંસ માટે સૌથી વધુ બોલી 385000 રૂપિયા લગાવી હતી. આઠમાંથી ત્રણ ભેંસોને શરીફના સમર્થકોએ ખરીદી હતી. સરકારની યોજના ચાર હેલિકોપ્ટરોની હરાજી કરવાની પણ છે.

બુધવારે વડાપ્રધાન આવાસમાં આયોજિત હરાજીમાં કુલ 49 વાહનો રાખવામાં આવ્યા હતા, જેમાંથી માત્ર એકનું વેચાણ થયું હતું. એક કારથી સરકારી તિજોરીને 90 લાખ રૂપિયાની આવક થઈ હતી.

  કસ્ટમ અધિકારીઓના અનુસાર, આગામી હરાજી ઈસ્લામાબાદમાં 25 ઓક્ટોબરે થશે. અધિકારીએ કહ્યું હતું કે વડાપ્રધાન આવાસમાં નાગરિકોની સીમિત અવરજવર રહી છે. માટે બીજા તબક્કાની હરાજીમાં અમને સારી પ્રતિક્રિયા મળી નહોતી. અગાઉ રેડિયો પાકિસ્તાને જણાવ્યું હતું કે ખર્ચ ઓછો કરવાના અભિયાન અંતર્ગત બુધવારે સરકારે વડાપ્રધાન આવાસમાં 49 અને સરકારી વાહનોને હરાજી માટે રાખવામાં આવ્યા છે. તેમાંથી 19 બુલેટ પ્રુફ કાર સામેલ રહી હતી.

(10:50 pm IST)
  • ઉત્તરપ્રદેશ બાદ હવે હિમાચલ પ્રદેશના શહેરોના નામ બદલવાની કવાયત શરુ :સિમલાનું જૂનું નામ શ્યામલા હતું,શિમલાનું કાલીબાડી મંદિર પહેલા શ્યામલા માતાના નામથી જાણીતું હતું access_time 1:31 am IST

  • મહેસાણા :શક્તિપીઠ બહુચરાજીમાં સવારી નીકળી:બહુચરાજીમાં પરંપરાગત માતાજીની સવારી નીકળી:નિજ મંદિરમાં શાસ્ત્રોક્ત પૂજા અર્ચના કરવામાં આવી:ગાયકવાડ વખતની પરંપરા મુજબ પૂજા-અર્ચના કરાઈ:શાહીઠાઠમાં માતાજીની સવારીની પૂજા અર્ચના :પોલીસ દ્વારા ગાર્ડ ઓફ ઓનર આપવામાં આવ્યું access_time 1:45 pm IST

  • જખૌ નજીકથી ભારતીય જળસીમામાંથી ત્રણ બોટ સાથે 18 માછીમારોનું અપહરણ :પાકિસ્તાન મરીન સિક્યુરિટીએ બોટ પર ફાયરિંગ કરીને માછીમારોનું કર્યું અપહરણ :માછીમારોમાં ભારે રોષ access_time 11:43 pm IST