Gujarati News

નવી દિલ્હી: ચીનના હુવેઇ પ્રાંત જિનઇંતાન હોસ્પિટલના રિસર્ચર્સે નવો ખુલાસો કર્યો છે કે Coronavirus કયા બ્લડ ગ્રુપના વ્યક્તિઓને વધુ પ્રભાવિત કરે છે. આ રિસર્ચમાં સામે આવ્યું છે કે બ્લડ ગ્રુપ (Blood Group A) Coronavirusથી જલ્દી પ્રભાવિત થાય છે. પરંતુ બ્લડ ગ્રુપ ઓ (Blood Group O)ને પ્રભાવિત થવામાં થોડો વધુ સમય લાગે છે.

                ચીનના વૈજ્ઞાનિકોએ આ અભ્યાસ વુહાનમાં કર્યો. વુહાન ચીનના હુવેઇ પ્રાંતની રાજધાની છે. અહીંથી જ દુનિયાભરમાં Coronavirusનું સંક્રમણ ફેલાયુ છે. આ ખબર બ્રિટીશ અખબાર ડેલી મેલે પ્રકાશિત કરી છે. વુહાનમાં વૈજ્ઞાનિકોએ Coronavirusથી પ્રભાવિત 2173 લોકો પર અભ્યાસ કર્યો. તેમાંથી 206 લોકોના મોત Coronavirusના કારણે થયા છે. આ લોકો હુવેઇ પ્રાંતની ત્રણ હોસ્પિટલોમાં દાખલ હતાં.