Gujarati News

Gujarati News

News of Friday, 18th January 2019

નસકોરા બોલાવતા મહેમાનોને જગાડી દેતા હોવાથી ૧૨૩ રોબોની નોકરી ગઇ

ટોકિયો તા.૧૮: જયારથી રોબોનું ચલણ વધશે એવા સમાચાર આવી રહ્યા છે ત્યારથી માણસોની છુટ્ટી થઇ જશે એવો ભય સેવાય છે. જો કે રોબોને કામ રાખવા પણ કંઇ સહેલું કામ નથી એવું જપાનની હાન ના હોટેલને સમજાઇ ગયું છે. આ હોટેલમાં કુલ ૨૪૩ રોબો કામ કરતા હતા. દરવાજા પર દરવાનથી માંડીને રિસેપ્શન અને ઠેર-ઠેર દિશાસૂચન માટે અલગ-અલગ પ્રકારના રોબો તહેનાત હતા. રૂમ-સર્વિસ માટે પણ રોબો જ હતા. હોટેલ-મેનેજમેન્ટને લાગતું હતું કે કદાચ રોબોથી કામ સરળ થઇ જશે, પણ ખરેખર કામ વધી જતું હતું.

કેટલાક રોબો ઓવરસ્માર્ટ થઇ ગયા હતા અને કયારેક નસકોરાં બોલાવીને ઊંઘી રહેલા મહેમાનોનાં મોંમાંથી આવતા અવાજને કંઇક ભળતો જ કમાન્ડ સમજીને તેમને જગાડી દેતા હતા. હોટેલમાં કુલ ૧૦૦ રૂમ હતી, પણ આ રોબો માત્ર ૨૪ રૂમ સુધી જ પહોંચી શકતા હતા. વળી અતિશય વરસાદ કે બરફવર્ષા થાય ત્યારે અચાનક જ રોબો ઠપ થઇ જતા હતા. મહેમાનોની અવારનવાર ફરિયાદ રહેતી હતી કે હોટેલની સુવિધા વિેશે રિસેપ્શન પર ઊભેલા રોબો કરતાં તેમના સીરી, ગુગલ અસિસ્ટન્ટ અને એલેકસા જેવા વર્ચ્યુઅલ અસિસ્ટન્ટ વધુ સાચા અને ઝડપથી જવાબો આપે છે.

આખરે અડધો અડધ રોબોની છટણી કરી દેવામાં આવી છે.(૧.૬)

 

(10:14 am IST)
  • કાલથી કાશ્મીરમાં ફરી બરફવર્ષા : હવામાન વિભાગે આગાહી કરી છે કે આવતીકાલ તા.૧૯ થી ૨૧ (શનિથી સોમ) દરમ્યાન ફરી બરફ વર્ષા થશે. નવા વર્ષની શરૂઆતના દિવસોથી જ જમ્મુ કાશ્મીરમાં ભારે બરફવર્ષા થઇ રહી છે. પ્રવાસીઓને જલ્સા પડી ગયા છે તો સ્થાનીય લોકોને ભારે પરેશાનીનો સામનો કરવો પડી રહ્યો છેે. કાશ્મીરમાં બરફવર્ષાની અસરથી આવતા સપ્તાહમાં સૌરાષ્ટ્ર-ગુજરાતમાં પણ ઠંડીમાં ફરી વધારો થાય તેવી સંભાવના છે. access_time 3:15 pm IST

  • રાજસ્થાનમાં ખેડૂતોના દેવામાફી મામલે મુખ્યમંત્રી અને વિપક્ષ નેતા વચ્ચે વાક્યુદ્ધ : વિરોધપક્ષના નેતા ગુલાબચંદ કટારીયાએ દેવામાંફીને લંગડા આદેશ કહેતા ખુદ મુખ્યમંત્રી અશોક ગેહલોટએ મોરચો સાંભળ્યો : ગેહલોટએ કહ્યું કે લંગડી વિચારવાળા જ ખેડૂતોના દેવામાંફીને લંગડા આદેશ કહી શકે છે access_time 12:44 am IST

  • ઓસ્ટ્રેલિયા સામેની ત્રીજી વન ડે માં 7 વિકેટથી ભારતનો ભવ્ય વિજય : 2-1 થી સિરીઝ જીતી લીધી : ધોનીએ અણનમ 87 રન , જાધવે 61 અને વિરાટ કોહલીએ 46 રન કર્યા : લેગ સ્પિનર ચહલએ 6 વિકેટ ઝડપી access_time 5:49 pm IST