Gujarati News

Gujarati News

News of Tuesday, 17th November 2020

લેગો કંપનીએ 9036 પીસના સેટ સાથેનું રોમન કોલોઝિયમનું મોડલ તૈયાર કર્યું

નવી દિલ્હી: ગેમ અને ટોય કંપની લેગોએ ૯,૦૩૬ પીસનાં સેટ સાથેનું રોમન કોલોઝિયમનું મોડલ તૈયાર કર્યું છે. જે મોડલને તૈયાર કરતા ૨ અઠવાડિયાનો સમય લાગે છે, જે તૈયાર થયા બાદ ૧૦.૫ ફીટની હાઇટ, ૨૦.૫ ફીટ પહોળુ અને ૨૩.૫ ફીટનાં વ્યાસનું બને છે, તેની આ ખાસિયતને લીધે તે વિશ્વનું સૌથી મોટું મેકિંગ ટોય સેટ બન્યું છે. આ ટોય સ્ટ્રક્ચરનાં બ્રીક મોડેલનાં કોલોઝિયમમાં ડોરિક, લોનિક અને કોરિન્થિયન સ્ટાઇલનાં કોલમ્સ જોવા મળે છે. જોકે આ ટોયનાં ડિઝાઇનર રોક જગાલિન કોબે કહે છે કે, આ આઇકોનિક એમ્ફિથિયેટરનું લેગો સંસ્કરણ દરેક પ્રકારથી ઐતિહાસિકરૂપે પરફેક્ટ નથી. પણ લોકો આ ટોય સ્ટ્રક્ચરને જોઈને રિયલ સ્ટ્રક્ચર અંગે જાણવા ઉત્સુક જરૂરથી થશે. ૨૦૦૦ વર્ષ જુના લેન્ડમાર્કને ડિટેઇલમાં પ્રસ્તુત કરવા માટે ત્રણ શેડ્ઝની બ્રિક્સ જુદા જુદા કોલમ્સમાં સેટ કરવામાં આવી છે. આ સ્ટ્રક્ચર લેન્ડસ્કેપિંગ અને તેનાં ફીચર્સમાં રિયલ સ્ટ્રક્ચર્સની ડિટેઈલ્સ સાથે આવશે. આ લેગો કોલોઝિયમ ૨૭ નવેમ્બર બ્લેક ફ્રાઇડેનાં રોજ લોન્ચ કરવામાં આવશે.

 

(4:01 pm IST)
  • હવે ભાજપની નજર કરૂણાનિધિના પુત્ર ઉપર મંડાઈ : આવતા વર્ર્ષે તામિલનાડુમાં વિધાનસભાની ચૂંટણીઓ આવી રહી છે ત્યારે તામિલનાડુનું રાજકારણ કબ્જે કરવા માટે ભારતીય જનતા પક્ષે તામિલનાડુના લોખંડી રાજપુરૂષ સ્વ. કરૂણાનિધિના પુત્ર અલાગીરી ઉપર નજર માંડી છે : અલાગીરી ટૂંક સમયમાં જ ચૂંટણી પહેલા નવો રાજકીય પક્ષ સ્થાપી રહ્યાનું જાણવા મળે છે : ભાજપ તેનો સાથ લઈ દક્ષિણના રાજયોમાં અડીંગો જમાવવા પૂરતો પ્રયાસ કરશે તેમ જાણવા મળે છે access_time 12:07 pm IST

  • દિલ્હીની કેટલીક બજારોમાં લોકડાઉન આવી રહ્યાના સંકેતો મળે છે : દિલ્હીમાં કોરોના એ જબરો ઉપાડો લીધો છે. દરરોજ સાડા ત્રણથી ચાર હજાર કેસો નોંધાઈ રહ્યા છે ત્યારે, દિલ્હીની કેજરીવાલ સરકારે કોવિડ હોટ સ્પોટ ગણાતા મહત્વની માર્કેટોમાં લોક ડાઉન લાદવાનો પ્લાન ઘડી કાઢવાનું જાણવા મળે છે. access_time 5:36 pm IST

  • તામિલનાડુના મદુરાઈમાં દિલ કંપાવી દેનારી ઘટના : ધોળે દિવસે અનેક લોકોની હાજરી વચ્ચે હુમલાખોરોએ મુરુગનન્દમ નામક વ્યક્તિનું માથું કાપીનાખ્યું : સેન્ટ મેરી ચર્ચની સામે ફેંકી પલાયન થઇ ગયા : રસ્તે ચાલતી વ્યક્તિએ વિડિઓ ઉતારી લીધો : હુમલાખોરોની કાર જપ્ત કરવામાં પોલીસને સફળતા access_time 6:13 pm IST