Gujarati News

Gujarati News

News of Saturday, 17th November 2018

વિશ્વની સૌપ્રથમ અન્ડર ગ્રાઉન્ડ હોટેલ ચીનમાં ખૂલી, એક રાત રહેવાનું ભાડું ૩૫,૦૦૦ રૂપિયા

બીજીગઃ ચીને અત્યાધુનિક ટેકિનક અને આર્કિટેકચરના અદ્ભુત નમૂના જેવી અન્ડરગ્રાઉન્ડ હોટેલ બનાવી છે. ૧૮ માળની આ હોટેલ શાંઘાઇના સોન્ગજિઆન્ગ જિલ્લામાં બની છે. ઇન્ટરકોન્ટિનેટલ શાંઘાઇ વન્ડરલેન્ડ નામની આ ફાઇવસ્ટાર હોટેલની રચના એવી છે કે એના દરેક રૂમમાંથી વહેતું ઝરણું જોવા મળે છે. આ કદાચ વિશ્વની સૌથી ઊંડી હોટેલ હશે, કેમ કે એના ૧૮ માળામાંથી ૧૬ માળ તો જમીનની અંદર છે. માત્ર બે માળ જ જમીનની ઉપર છે. જમીનની અંદરના બે માળ તો પાણીની અંદર એકવેરિયમથી ઘેરાયેલા છે. તમામ રૂમની બારીઓ અન્ડરગ્રાઉન્ડ વેલીમાં ખૂલે છે. સેંકડો ફુટ નીચે ખોદકામ કરીને વેલીની કિનારી પર આખી ઇમારત બનવવામાં આવી છે. આ હોટેલમાં ગેસ્ટ્સની એન્ટ્રી ટોપ ફલોર પરથી થાય છે. ૩૩૬ રૂમ ધરાવતી હોટેેલમાં તમે માગોએ તમામ સુવિધાઓ છે. બન્જી જમ્િંપગ અને રોક-કલાઇમ્બિંગ જેવી એડ્વેન્ચરસ એકિટવિટી કરવી હોય તો એ પણ અહીં થશે. પહેલી ડિસેમ્બરથી આ હોટેલ લોકો માટે ખુલ્લી મુકાશે અને એમાં એક રાત રહેવાનું ભાડું ૩૫,૦૦૦ રૂપિયા છે. આવતા વીકથી એમાં એડ્વાન્સ બુકિંગ શરૂ થશે.

(3:03 pm IST)
  • ગાંધીનગર: 260 કરોડના કૌભાંડનો મામલો : કેસમાં લાગવાઈ GPID એક્ટ : સ્પે.એક્ટ લાગવાથી આરોપીની મિલકતો ટાંચમાં લઇ છેતરપીંડીના ભોગ બનનારમાં વહેંચી શકાય છે : કેસની તપાસ માટે સ્પે.જજની કરાઈ નિમણૂક : સરકાર તરફે જિલ્લાના મુખ્ય સરકારી વકીલ પ્રવીણ ત્રિવેદી લડશે કેસ access_time 12:40 pm IST

  • જેતપુર:વીરપુર એસટી ડેપો સામે નેશનલ હાઈવે પરની ઘટના : એસટી બસની સાઈડ કાપવા જતો ટોરસ ટ્રક પીજીવીસીએલના ઈલેક્ટ્રીક પોલ સાથે અથડાયો :ચાલું વીજપ્રવાહ સાથેના ઈલેક્ટ્રીક પોલના તાર એસટી બસ અને ટોરસ ટ્રકને અડી જતાં બસના પેસેન્જરો અને ટ્રક ડાઈવરમાં નાશભાગ : નેશનલ હાઈવે ઉપર અકસ્માતની ઘટના બનતા મોટી જાનહાની ટળી: અકસ્માતને પગલે નેશનલ હાઈવે પર સર્જાયા ટ્રાફિકજામના દ્રશ્યો : વીરપુર પોલીસે અને પીજીવીસીએલના કર્મચારીઓએ ઘટના સ્થળે દોડી જઈને ટ્રાફિક ક્લીયર કરાવ્યો access_time 4:34 pm IST

  • વડોદરા :પિતા-પુત્રની સાઉદી અરબમાં ધરપકડ : મક્કા મસ્જિદ બહાર રાષ્ટ્રધ્વજ સાથે ફોટો પડાવતા ધરપકડ : વડોદરાનાં ઇમ્તિયાઝ અલી સાઉદી પોલીસની કસ્ટડીમાં : ઇમ્તિયાઝ અલીનાં પુત્ર ઉઝેરને વહેલી સવારે કરાયો મુક્ત:સાઉદીમાં પિતા ઇમ્તિયાઝને છોડાવવા પુત્રનાં પ્રયાસો access_time 4:33 pm IST