Gujarati News

Gujarati News

News of Saturday, 17th April 2021

ઇથોપિયાઃ ગેંગરેપ બાદ સૈનિકોએ મહિલાના પ્રાઇવેટ પાર્ટમાં નાખી દીધા પથ્થર અને ખીલા

એક મહિલા પર દેશના સૈનિકોએ જ ૧૧ દિવસ સુધી બળાત્કાર ગુજાર્યો હતોઃ ૧૧ દિવસ બાદ મહિલાને મૃત સમજીને ફેંકી દીધી હતી

ઇથોપિયા, તા.૧૭: આપણે એ વિચારી પણ નથી શકતા કે મહિલા સાથે સતત ૧૧ દિવસ સુધી દુષ્કર્મ કરવામાં આવ્યું હશે ત્યારે તેણીએ કેવી પીડા સહન કરી હશે. નરાધમોએ બર્બરતાની હદ વટાવતા મહિલાના પ્રાઇવેટ પાર્ટમાં પથ્થરો અને લોખંડના ખીલા નાખી દીધા હતા. ઇથોપિયામાં એક મહિલા પર દેશના સૈનિકોએ જ ૧૧ દિવસ સુધી બળાત્કારગુજાર્યો હતો. ૧૧ દિવસ બાદ મહિલાને મૃત સમજીને ફેંકી દીધી હતી. ગામના લોકોએ મહિલાને જોઈ હતી. જે બાદમાં તેણીને હોસ્પિટલ લઈ ગયા હતા. સારવાર બાદ મહિલા સાજી થઈ ગઈ છે. મહિલાએ લોકો સામે પોતાની આપવીતી કહી છે.

મહિલાની ઓળખ છૂપાવવામાં આવી છે. હોસ્પિટલમાંથી રજા મળ્યા બાદ મહિલાએ પોતાના પર ગુજારવામાં આવેલા અત્યાચાર અંગે તમામ લોકોને જણાવ્યું હતું. મહિલાએ કહ્યુ કે, ઘરેથી ઓફિસ જઈ રહી હતી ત્યારે સૈનિકો તેણીને ઉઠાવી ગયા હતા. બસમાં જગ્યા ન હોવાથી તેણી ચાલીને જ દ્યરે જઈ રહી હતી. રસ્તામાં સૈનિકોએ તેણીનું અપહરણ કરી લીધું હતું. જે બાદમાં કોઈ અવાવરું જગ્યા પર બાંધીને ૧૧ દિવસ સુધી બળાત્કાર ગુજારવામાં આવ્યો હતો.

સૈનિકોએ ૧૧ દિવસ પછી મહિલાને મૃત સમજીને ફેંકી દીધી હતી. જે બાદમાં ગામના લોકોની મહિલા પર નજર પડી હતી. ગામના લોકો મહિલાને ડોકટર પાસે લઈ ગયા હતા. અહીં ડોકટરોએ મહિલાને તપાસી તો તેઓ હચમચી ગયા હતા.

મહિલાના પ્રાઇવેટ પાર્ટમાં પથ્થરો નાખી દેવામાં આવ્યા હતા. સાથે જ ત્રણ ઇંચ લાંબા અનેક ખીલા પણ મળ્યાં હતાં. આ લોખંડના ખીલાઓને બળજબરીથી મહિલાના પ્રાઇવેટ પાર્ટમાં નાખી દેવામાં આવ્યા હતા.

ઇથોપિયા દેશમાં સૈનિકોનો અત્યાચાર ચાલુ જ છે. રિપોર્ટ્સ પ્રમાણે અહીં અનેક મહિલાઓ ગાયબ થઈ જાય છે. ગાયબ થયા બાદ તેમની કોઈ માહિતી નથી મળતી. મહિલાઓને અહીં ફકત સેકસની વસ્તુ ગણવામાં આવે છે.

અહીં મહિલાઓ ઘરની બહાર તો ઠીક પરંતુ દ્યરની અંદર પણ સુરક્ષિત નથી. મહિલાની હાલત જોયા બાદ ડોકટરે જણાવ્યું હતું કે, તેમની પાસે બળાત્કારના અનેક કેસ આવે છે પરંતુ આ કેસ સૌથી ખતરનાક છે.

(3:58 pm IST)
  • ૬૩ હજાર કેસો સાથે મહારાષ્ટ્ર દેશમાં કોરોના કેસમાં સતત પ્રથમ નંબરે: ઉત્તર પ્રદેશ ૨૭ હજાર અને દિલ્હી ૧૯ હજાર કેસ સાથે મોખરે રહેલ છે: પુણે ૧૧ હજાર અને મુંબઈ ૮૮૨૫: ગુજરાતમાં ૯ હજાર એ આંક પહોંચવા આવ્યો: એમપી ૧૧ હજાર, કર્ણાટક ૧૪ હજાર અને છત્તીસગઢ ૧૫ હજાર કેસ સાથે હાહાકાર મચાવે છે access_time 11:04 am IST

  • વધી રહેલા કોરોના સંક્રમણ ના લીધે આજ(શુક્રવાર) સાંજથી સોમવારે 6 વાગ્યા સુધી હિલ સ્ટેશન માઉન્ટ આબુમાં લોકડાઉન કરાશે access_time 7:16 pm IST

  • રેલ્વે એકટ હેઠળ રેલ્વેના પ્રિમાઈસીસમાં માસ્ક નહિં પહેરનારને સજા કરવામાં આવશે : આ જાગવાઈનું ઉલ્લંઘન કરનારને ૫૦૦ રૂ. સુધીનો દંડ થશે : માસ્ક નહિં પહેરનારને ૫૦૦નો દંડ access_time 2:03 pm IST