Gujarati News

Gujarati News

News of Tuesday, 16th October 2018

ફ્રાંસના અનેક વિસ્તારો પાણીમાં: ખ્રિસ્તી સાધ્વી ડૂબી ગઈ

પેરિસ,તા.૧૬: ફ્રાન્સના દક્ષિણ પૂર્વ વિસ્તારોમાં ભારે પૂરથી વોટરબેઝમાં પ્રવાહ તોફાની બનતા એક નન સહિત ૧૩નાં મોત થયા હતા. જેમાંના નવ તો એક જ ગામના હતા. રાત્રિભર ચાલુ રહેલા વરસાદ અને તોફાનને કારણે લોકોને ઘરના છાપરા ઉપરથી હેલિકોપ્ટર દ્વારા બચાવાયા હતા. આ વિસ્તારમાં મહિનાઓનો વરસાદ થોડા કલાકમાં જ તૂટી પડયો હતો.

જેમાં ફ્રાન્સના કરાકાસોનનું ટ્રેબીસ ગામની ભારે દુર્દશા થઈ હતી. આ ગામમાં જળબંબાકારથી નવનાં મોત થયા હતા. જયારે  અન્ય એક ગામમાં ચાર જણના મોત થયા હતા. જિલેજેથેન ગામના એક નિવાસીએ જણાવ્યું હતું કે, નદીમાં પાણીની સપાટી એકાએક વધી જતા લોકો છાપરા પર ચઢી ગયા હતા. તેમને હેલિકોપ્ટરથી બચાવાયા હતા. તેણે તૂટી પડેલા બ્રિજનો વિડિયો પણ શેર કર્યો હતો. અન્ય રસ્તાઓ પર પાણી ફરી વળતા ગામનો સંપર્ક તૂટી ગયો હતો. શાળાઓ બંધ રાખવી પડી હતી. ઓરબીચ ગામે નદીના પાણીમાં છ મીટરનો એકાએક વધારો થતા ઘણા માણસો તણાઈ ગયાની ભીતિ હતી.

પ્રચંડ પૂરના પાણી ગામોમાંથી પસાર થતા સંખ્યાબંધ કાર રમકડાની જેમ તણાતી જોવા મળી હતી. ફ્રાન્સ સરકારે તાત્કાલીક બચાવ ટુકડી અને હેલિકોપ્ટર તૈનાત કર્યા હતા. લોકોને ઘરમાં જ રહેવા સલાહ આપી છે.

(3:44 pm IST)
  • અમદાવાદ શહેર પોલીસ કમિશનર દ્વારા દુર્ગા પૂજાને લઈ જાહેરનામું બહાર પડાયું: નદી કે તળાવમાં દુર્ગા માતાની મૂર્તિ પધરાવવા પર પ્રતિબંધ: જાહેરનામાનો ભંગ કરનાર સામે કાર્યવાહી કરાશે access_time 1:00 am IST

  • સુરત: લીંબાયતમાં બાળકીની હત્યાનો કેસ: પોલીસે આરોપીને જલ્દીથી પકડવા માટેનુ આશ્વાસન અપાતા પરિવાર દ્વારા બાળકીનો મૃતદેહ સ્વીકારાયો:બે દિવસમાં આરોપીને નહિ પકડવામાં આવે તો બાળકીની અસ્થિ સાથે રેલી કાઢી પોલીસ કમિશનર કચેરીએ ધરણા કરવાની ચીમકી access_time 1:17 am IST

  • બનાસકાંઠા : પાંથાવાડા પોલીસ સ્ટેશનની હદમાં ખાનગી ફાયરીંગ: ફાયરિંગમાં એક વ્યક્તિ ઇજાગ્રસ્ત : ગેંગવોરમાં ફાયરિંગ થયુ હોવાની આશંકા:ઇજાગ્રસ્ત વ્યક્તિ મોરબીમાં થયેલ લૂંટ કેસનો આરોપી : ગુજરાત અને રાજસ્થાન પોલીસ બનાવના સ્થળને લઈ હદ અંગે અવઢવમાં access_time 1:05 am IST