Gujarati News

Gujarati News

News of Monday, 16th September 2019

મેકિસકોની ઘટના : કુવામાંથી મળી આવી અધધ ૪૪ જેટલી લાશ

લંડન, તા.૧૬: મેકિસમોમાં એક ખૂબ જ વિચિત્ર અને ભયાનક કિસ્સો સામે આવ્યો છે. મેકિસકોના જલિસ્કો પ્રાંતના ગુઆદલઝારા શહેરના એક કુવામાંથી ૪૪ ડેડબાઙ્ખડી મળી આવી છે. આ બધી ડેડબાઙ્ખડી કાળા કપડાંમાં બાંધેલી હતી. બધા મૃતદેહોને ખૂબ જ નિર્દયતાથી ટૂકડા કરી દેવાયા હતા. કુવામાંથી આવી રહેલી દુર્ગંધ  બાદ સ્થાનિકોએ પોલીસને તેની ફરિયાદ કરી હતી. જયારબાદ પોલીસે કુવામાંથી આ લાશો કાઢી હતી. લાશોની સ્થિતિ એવી હતી કે, સ્થાનીકો સહિત પોલીસ પણ ચોંકી ઉઠી હતી.

મેકિસકોના અધિકારીઓએ જણાવ્યું કે, બધી લાશોની ઓળખ કરી લેવાઈ છે. જોકે, ગુમ થયેલા લોકોની શોધ કરનારી એક સ્થાનિક સંસ્થાએ લાશોની ઓળખ કરનારી સ્થાનીક ફોરેન્સિક એજન્સીના કર્મચારીઓની ક્ષમતા પર સવાલ ઉઠાવ્યા છે.

જણાવી દઈએ કે, જલિસ્કો ડ્રગ માફિયાઓને કારણે દુનિયાભરમાં કુખ્યાત છે. એકસાથે આટલી બધી ડેડ બોડી મળવાની આ વર્ષની બીજી સૌથી મોટી ઘટના છે. આ વિસ્તારને ડ્રગ માફિયાઓનો ગઢ ગણવામાં આવે છે અને અહીં અવાર-નવાર ગેંગ વોર થતા રહે છે.

(10:01 am IST)
  • નવા ટ્રાફીક કાનુનનો અમલ શરૂ પરંતુ રાજકોટમાં બપોરે ૧૨ સુધીમાં કોઇપણ સ્થળે ફીઝીકલ ચેકીંગ ચાલુ નથી થયું: કેમેરા દ્વારા મેમા ફટકારાય તેવી શકયતાઃ જેથી માથાકુટો ન સર્જાય access_time 12:24 pm IST

  • રાજ્યમાં ટ્રાફિકના નવા નિયમનના અમલવારી માટે પોલીસતંત્ર સજ્જ : નવા નિયમની અમલવારીને લઈને ટ્રાફિકના ઉચ્ચ અધિકારીઓની બેઠક : નિયમની કડક અમલવારી કેવી રીતે કરાવવી તે અંગે બેઠકમાં મહત્વના નિર્ણય લેવાયા:સામન્ય લોકો સાથે સાથે પોલીસ કર્મીઓને પણ ટ્રાફિકના નિયમોનું પાલન કરવા સૂચના : access_time 12:51 am IST

  • કેન્દ્ર ને ઝટકો આપતી સુપ્રીમ કોર્ટ : સુપ્રીમ કોર્ટે કોંગ્રેસના નેતા અને પૂર્વ કેન્દ્રીય પ્રધાન ગુલામ નબી આઝાદને કાશ્મીરની મુલાકાત લેવાની મંજૂરી આપી છે. આ સમય દરમિયાન તે ચાર જિલ્લાની મુલાકાત લઈ શકે છે. જો કે, તે આ સમયગાળા દરમિયાન કોઈપણ રાજકીય કાર્યક્રમમાં ભાગ લઈ શકશે નહીં. એકવાર ત્યાં પહોંચ્યા પછી, તે સુપ્રીમ કોર્ટમાં રિપોર્ટ રજૂ કરશે. આ સંદર્ભે કેન્દ્રને નોટિસ આપવામાં આવી છે. સુપ્રીમ કોર્ટની મંજૂરી બાદ હવે ગુલામ નબી આઝાદ બારામુલ્લા, અનંતનાગ, શ્રીનગર અને જમ્મુ જિલ્લાની મુલાકાત લઈ શકે છે. access_time 12:28 pm IST