Gujarati News

નવી દિલ્હી: ભારતની માફક તાઇવાન અને ચીન વચ્ચે પણ તણાવ ચાલી રહ્યો છે. તાઇવાનમાં પણ ચીન ઘુસણખોરીનો પ્રયાસ કરી રહ્યું છે. ત્યારે આ તણાવ વચ્ચે તાઇવાને સૈન્ય યુદ્ધાભ્યાસ કર્યો છે. તાઇવાનની આર્મી, નેવી અને એરફોર્સે લાઇવ ફાયર એક્સરસાઇઝ વડે પોતાની તાકાતનું પ્રદર્શન કર્યુ છે. આ સાથે જ તાઇવાનના રાષ્ટ્રપતિ સાઇ ઇંગ વેને કહ્યું કે અમે ચીનને જણાવવા માંગીએ છીએ કે અમે નબળઆ નથી. અમે અમારી જમીન પર થઇ રહેલી ઘુસણખોરીને રોકવા માટે સક્ષમ છીએ. જો ચીન કોઇ ગેર વ્યાજબી પગલું ભરશે તો તેને સામે જડબાતોડ જવાબ આપવામાં આવશે.

                 તાઇવાનની મિલિટ્રી ડ્રિલમાં 8000 સૈનિકોએ ભઆગ લીધો હતો. જેમાં વાયુસેનાના એફ 16 ફાઇટર જેટ અને સ્વદેશી ફાઇટર જેટ ચિંગ કુઓ પોતાનું શક્તિ પ્રદર્શન કર્યુ. મધ્ય તાઇવાનના તટીય વિસ્તાર તાઇચુંગમાં આ સૈન્ય યુદ્ધાભ્યાસ કરવામાં આવ્યો. જેમાં ટેંક પણ સામેલ હતા. આ અભ્યાસને હાન કુઆંગ એવું નામ આપવામાં આવ્યું હતું. તાઇવાને ચીનને પોતાની સૈન્ય તાકાતનો પરિચય આપવા માટે આ શક્તિ પ્રદર્શન કર્યુ હતું. કારણ કે આ વર્ષે કોરોના વાયરસ મહામારી વચ્ચે ચીન અનેક વખત તાઇવાન ઉપર પોતાના ફાઇટર જેટ ઉડાવી ચુક્યુ છે.