Gujarati News

Gujarati News

News of Saturday, 16th June 2018

ઉનાળામાં પણ કોથમરીને રાખો તાજી

કોથમરી કોઈ પણ શાકની રંગતને સુંદર બનાવવાનો ગુણ ધરાવે છે. સામાન્ય રીતે લોકો તેનો ઉપયોગ માત્ર તેના ભોજનને ગાર્નિશ કરવા માટે જ નહીં પરંતુ, તેની ચટણી અને અન્ય વસ્તુઓ બનાવવામાં પણ કરે છે. પરંતુ, ઉનાળામાં કોથમરી ઝડપથી ખરાબ થઈ જાય છે. તો જાણી લો કે કેવી રીતે લાંબા સમય સુધી કોથમરીને તાજી રાખી શકાય છે.

સૌથી પહેલા કોથમરી લો અને તેની પાછળની ડાળખીને છરીથી કાપી લો. ત્યારબાદ એક કંટેનર લો અને તેમાં થોડુ પાણી અને એક ચમચી હળદર નાખો. હવે કોથમરીના પાંદડાને ૩૦ મિનીટ સુધી પાણીમાં પલાળી રાખો.

 પાંદડાને પાણીમાંથી કાઢી ધોઈ લો અને તેને સૂકવો. હવે એક ટીશુ પેપરથી તેને સાફ કરી લો. ત્યારબાદ એક કંટેનર લો અને તેમાં ટીશુ પેપર રાખી દો અને કોથમરી તેમાં રાખો.

હવે કોથમરીની ઉપર ટીશુ પેપર લગાવો અને ડબ્બામાં બંધ કરી દો. એક વાતનું ખાસ ધ્યાન રાખવુ કે કોથમરીમાં સાવ પાણી ન રહેવુ જોઈએ. હવે આ કંટેનરને વ્યવસ્થિત રીતે એરટાઈટ બંધ કરી દો. હવે તેને ફ્રીઝમાં રાખી દો. આમ તમે કોથમરીને કેટલાય દિવસ સુધી ઉપયોગમાં લઈ શકો છો.

(10:08 am IST)
  • જમ્મુ-કાશ્મીરઃ ઇદની નમાઝ બાદ શ્રીનગરમાં પત્થરમારોઃ આઇએસઆઇએસ અને પાકિસ્તાનના ઝંડા દેખાડાયા access_time 11:27 am IST

  • દિલ્હીના મુખ્યમંત્રી અરવિંદ કેજરીવાલ પોતાના ત્રણ કેબિનેટ મંત્રીઓ સાથે છ દિવસોથી એલજીના ઘરે ધરણા પર બેઠા છે. દિલ્હીના ભાજપ સાંસદ પ્રવેશ સાહિબ સિંહે કેજરીવાલ પર હુમલો બોલતા કહ્યુ કે કેજરીવાલ મનીષ સિસોદિયા, સત્યેન્દ્ર જૈનને ભૂખ હડતાળ પર બેસાડી તેમની સામે આલુના પરોઠા ખાય છે. તેમણે વ્યંગ કરતા કહ્યુ છે કે કેજરીવાલને બેશરમ નેતાનો ઓસ્કર એવોર્ડ આપવો જોઈએ. access_time 1:02 am IST

  • મુંબઈમાં આજે સવારથી બહારના વિસ્તારોમાં વાદળાઓની જબ્બર જમાવટ છે : વરસાદ તૂટી પડે તેવો માહોલ સર્જાયો છે access_time 11:28 am IST