Gujarati News

Gujarati News

News of Saturday, 16th March 2019

મહિલાએ ફકત નવ મિનિટમાં છ બાળકોને જન્મ આપ્યો : માતા - બાળકો સ્વસ્થ

હ્યૂસ્ટન તા. ૧૬ : ટેકસાસના હ્યૂસ્ટનમાં એક મહિલાએ છ બાળકોને એક જ સાથે જન્મ આપ્યો છે. દુનિયાભરના ૪.૭ અબજ લોકોમાંથી ફકત એક જ કિસ્સામાં આવું થતું હોય છે જયારે કોઈ મહિલા એક જ સાથે છ બાળકોને જન્મ આપતી હોય. મહિલાએ અમેરિકાની 'ધી વુમન્સ હોસ્પિટલ ઓફ ટેકસાસ'માં છ બાળકોને જન્મ આપ્યો છે.

હોસ્પિટલના ડોકટર્સે જણાવ્યું કે, થેલમા ચૈકાએ ૧૫ માર્ચના રોજ સ્થાનિક સમય અનુસાર સવારે ૪.૫૦ મિનિટથી ૪.૫૯ મિનિટ સુધીમાં ચાર બાળકો અને બે બાળકીઓને જન્મ આપ્યો છે. અને થેલમા તેમજ બાળકો એકદમ સ્વસ્થ છે. હોસ્પિટલ દ્વારા જાહેર કરાયેલ નિવેદન અનુસાર બધા જ બાળકોનું વજન ૮૦૦ ગ્રામથી ૮૫૦ ગ્રામની વચ્ચે છે.

બાળકોની સ્થિતિ પણ અત્યારે સ્થિર છે અને તેમને હોસ્પિટલના નવજાત દેખરેખ વિભાગમાં રાખવામાં આવ્યા છે. થેલમાએ પોતાની બંને દીકરીઓના નામ જીના અને જુરિયલ રાખ્યા છે. તેમણે હજી પોતાના ચારેય દીકરાઓના નામ પાડવાના બાકી છે.

(3:45 pm IST)
  • અમદાવાદ:એરપોર્ટ પરથી ઝડપાયું સોનુ :દાણચોરીનું 80 લાખનું સોનુ કસ્ટમની ટીમે ઝડપી પાડ્યું :દુબઇ અને શારજહાંથી આવતી વિવિધ ફ્લાઇટ્સમાંથી પકડાયું સોનુ :યુવતી ગોલ્ડ પાવડરને પેસ્ટમાં મિક્સ લઈને આવી હતી access_time 2:09 pm IST

  • દેશમાં સૌથી મોટી સમસ્યા બેરોજગારી, જો અમારી સરકાર આવશે તો ગરીબોના ખાતામાં રૂપિયા જમા કરશે : રાહુલઃ રાહુલ ગાંધીએ કહ્યું કે જો અમારી સરકાર આવશે તો મર્યાદા કરતાં ઓછી આવક હશે તેને રૂપિયા મળશે : અમારી સરકાર ગરીબોના ખાતામાં પૈસા જમા કરશે access_time 3:24 pm IST

  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST