Gujarati News

Gujarati News

News of Friday, 14th September 2018

ઇંગ્લેન્ડમાં વિશાળ મહેલ જેવો બંગલો વેચવા માટે દંપત્તિઅે રૂૂ.૯૪૧ની લોટરી ટિકીટ બહાર પાડીઃ વેબસાઇટ ઉપર ટિકીટ સિસ્‍ટમ ઉપલબ્ધ

નોર્થ યોર્કશાયરઃ ઈંગ્લેન્ડમાં નોર્થ યોર્કશાયરમાં આવેલ એક વિશાળ મહેલ જેવો બંગલો તેનું માલિક કપલ વેચી રહ્યો છે. વિક્ટોરિયન પ્રોપર્ટીમાં ચાર બેડરૂમ, એક ઓપન સ્વિમિંગ પૂલ અને હોટ ટબથી લઈને તમામ સુવિધાઓ છે. તેને ખરીદવા માટે માત્ર 941 રૂપિયા ખર્ચ કરવા પડશે કારણકે કપલ તેને લોટરી ટિકિટ સિસ્ટમથી વેચવા માંગે છે. માટે કપલે કોઈ એસ્ટેટ એજન્ટની જગ્યાએ ખાસ વેબસાઈટ બનાવી છે. જે પણ વ્યક્તિની ટિકિટ સિલેક્ટ થશે, તે કેશ પ્રાઈઝ સાથે બંગલાનો માલિક પણ બનશે. વિનરને ટિકિટ સિવાય અન્ય કોઈ ખર્ચ ઉપાડવાનો નથી.

કપલે પ્રોપર્ટી 1977માં ખરીદી હતી, જે દરિયા કિનારે આવાલ વાઇટબે ટાઉનથી માત્ર 10 મિનિટના અંતરે છે. જેથી બંગલાનો માલિક અહીં ગરમીઓ સમુદ્રની ઠંડી હવાનો આનંદ પણ ઉઠાવી શકે છે. 40 વર્ષથી બંગલો કપલ રોબર્ટ અને એવરિલનું ઘર હતું. કપલ તેને સ્ટેટ એજન્ટ દ્વારા વેચવા માંગતું નથી. એવામાં તેમણે તેને એક વેબસાઈટ દ્વારા ટિકિટ સિસ્ટમથી વેચવાનો નિર્ણય કર્યો.

કપલે વેબસાઈટ પર જાણકારી દેતા જણાવ્યું કે તેમના માટે ઘર મેનેજ કરવું મુશ્કેલભર્યું બની રહ્યું છે. ગાર્ડન એરિયા એટલો મોટો છે કે હવે ઉંમરના લીધે તેનો ખ્યાલ રાખી શકતા નથી. કપલે કહ્યું કે ત્રણ વર્ષ પહેલા તેમણે પોતાની દીકરીને ખોઈ દીધી, જે નવી લાઈફ શરુ કરવા જઈ રહી હતી. ઘટનાએ તેમના પર ઊંડો ઘા માર્યો છે. જ્યારે તેમનો દીકરો પોતાની નાની ફેમિલી સાથે અન્ય શહેરમાં રહે છે અને તેઓ ઈચ્છે છે કે અમે તેની સાથે રહીને સમય વિતાવીએ માટે અમારે બંગલો વેચવો છે

કપલે બંગલો વેચવા માટે લોટરી સિસ્ટમને પસંદ કરી છે, જેમાં માત્ર ઇંગ્લેન્ડ, વેલ્સ અને સ્કોટલેન્ડમાં રહેતા લોકો ભાગ લઇ શકે છે. એક વ્યક્તિ એકથી વધુ ટિકિટ પણ ખરીદી શકે છે પણ 10,000 ટિકિટથી વધુ નહીં ખરીદી શકે. જોકે આટલી ટિકિટ લેવી કોઈ માટે રિસ્ક પણ હોઈ શકે છે. .

લોટરીનો ડ્રો 2 જાન્યુઆરી 2019માં થશે અને 3 જાન્યુઆરીએ વિનરનું નામ એનાઉન્સ કરશે. સ્પર્ધામાં ફક્ત ચુનાઇટેડ કિંગડમમાં આવતા સ્કોટલેન્ડ, ઇંગ્લેન્ડ અને વેલ્સ દેશના રહેવાસી ભાગ લઈ શકશે. વિનરને કમ્પ્યુટર એલ્ગોરિધ્મથી પસંદ કરાશે. કપલે મકાન વેચવા માટે 60000 ટિકિટ વેચવાનો ટાર્ગેટ રાખ્યો છે અને તેમજ મકાનના નવા માલિક સહીત સેકન્ડ અને થર્ડ પોઝિશન પર આવનારા ટિકિટ ધારકો માટે પણ પ્રાઈઝ મની રાખવામાં આવ્યા છે. મકાન માટે નવા ઓનર અને ફર્સ્ટ પ્રાઈઝ હકદારને ટિકિટની કિંમતના 40 ટકા ભાગ કેશ તરીકે મળશે. ટાર્ગેટ મુજબ, 60 હજાર ટિકિટ વેચાય તો પણ વ્યવસ્થા રહેશે.

(4:37 pm IST)
  • ઉ.પ્ર.ના આઝમગઢમાં આંબેડકર પાર્કમાં આંબેડકરજીની મૂર્તિ સાથે ચેડાઃ તોડ ફોડઃ પોલીસ દ્વારા નરાધમોને ઝડપી લેવા પ્રયાસોઃ મૂર્તિ નવી મૂકવા તજવીજ હાથ ધરાઈ access_time 11:58 am IST

  • ભરૂચમાં સાંસદ મનસુખ વસાવાએ વાટ્યો ભાંગરો:સ્વચ્છતા અભિયાન સમયે સાંસદે માર્યો લોચો:"પીતા હોય તો ભલે પણ વ્યવસ્થિત જગ્યાએ પીઓ!":સફાઇ કામગીરી દરમિયાન કેમરા સામે જ બોલ્યા!;મનસુખ વસાવાના ચર્ચાસ્પદ નિવેદનથી વિવાદ access_time 8:27 pm IST

  • અમારી માંગણી ઉપર સરકારે કામ કર્યુ નથી : લાલજી પટેલનું નિવેદન access_time 12:12 am IST