Gujarati News

Gujarati News

News of Thursday, 15th April 2021

ઉઇગર સહીત અન્ય મુસ્લિમ લઘુમતીઓ માટે અમેરિકામાં પુનવર્સન માટે અરજી કરવી સરળ બની શકે છે...

નવી દિલ્હી: અમેરિકાના બે સેનેટરો માર્કો રૃબિયો અને ક્રિસ કૂંસે દ્વિપક્ષીય વિધેયક રજૂ કર્યુ છે.જો આ વિધેયક પસાર થઇ જશે તો ચીનની સરકાર દમનનો સામનો કરી રહેલા ઉઇગરોને પ્રાથમિકતાને આધારે અમેરિકામાં શરણાર્થીઓનો દરજ્જો આપવામાં આવશે. વિધેયક રજૂ કરનાર બંને સાંસદોએ જણાવ્યું હતું કે ઉઇગર માનવાધિકાર સંરક્ષણ અધિનિયમથી ઉઇગર અને અન્ય મુસ્લિમ લઘુમતીઓ માટે અમેરિકામાં પુનવર્સન માટે અરજી કરવી સરળ બની જશે. 

સાંસદોએ અમેરિકાના વિદેશ પ્રધાન એન્ટની બ્લિંકનને અપીલ કરી છે કે તે ચીનના શિનજિયાંગ પ્રાંતના ઉઇગર અને અન્ય મુસ્લિમ લઘુમતીઓની મદદ માટે વધારાના પગલા ભરે. આવા પ્રકારનું વિધેયક પ્રતિનિધિ સભામાં સાંસદ ટેડ ઇયુચ અને મેરિયો ડિયાઝે પણ રજૂ કર્યુ છે. ગયા મહિને વિદેશી પ્રધાન બ્લિકંને ચીનના શિનજિયાંગ પ્રાંતમાં ઉઇગર વિરુદ્ધના નરસંહારનો મુદ્દો ઉઠાવ્યો હતો અને જણાવ્યું હતું કે આ મુદ્દે અમેરિકા અવાજ ઉઠાવતુ રહેશે.બ્લિકંને જણાવ્યું હતું કે ચીનના માનવાધિકારના ભંગના કેસોમાં અમારુ વલણ સ્પષ્ટ છે. અમે નરસંહારને માનવાધિકાર ભંગ તરીકે જોઇએ છીએ. આ મુદ્દે વિશ્વના તમામ દેશોેએ એક સાથે અવાજ ઉઠાવવાની જરૃર છે. 

(6:02 pm IST)
  • ગુજરાત હાઈકોર્ટની સાફ સાફ વાત : રેમડેસીવીર અમૃત નથી તે અંગેની જાણકારી અને જાગૃતતા પ્રજા સુધી પહોંચે તેવા પગલા લેવા ગુજરાત હાઈકોર્ટે ગુજરાત સરકારને તાકીદ કરી છે અને કહ્યું છે કે રેમડેસીવીર ૯૦૦ રૂ. મળશે તે આજે ૧૪ થી ૧૫ હજારમાં વેચાય છે : રેમડેસીવીરના કાળા બજાર કેમ થાય છે તે અંગે જાણવુ જરૂરી છે : ગુજરાતના એડવોકેટ જનરલે હાઈકોર્ટ સમક્ષ ગુજરાત સરકાર વતી સ્વીકાર કરી લેતા જણાવેલ કે અમારે વધુ પડતા વિશ્વાસમાં રહેવાની જરૂર નહોતી access_time 12:10 pm IST

  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST

  • હરિદ્વાર મહાકુંભમાં સામેલ થયેલા નિર્વાણી અખાડાના મહામંડલેશ્વર કપિલનું કૈલાશ હોસ્પિટલમાં કોરોનાથી નિધન: હરિદ્વારમાં કુંભ મેળામાં છેલ્લા ચાર દિવસમાં કોરોનાના 1701 નવા કેસ મળ્યા: કુંભ મેળા ક્ષેત્રમાં સંક્રમિત વ્યક્તિઓની સંખ્યા 2000 સુધી વધી શકે access_time 12:04 am IST