Gujarati News

Gujarati News

News of Thursday, 15th February 2018

રોજની એક મીઠી સોડા સંતાન મેળવવામાં બાધારૂપ બની શકે

ન્યુયોર્ક, તા. ૧૫ :. મીઠી સોડા કે ગળ્યા પીણા માત્ર વજન, ડાયાબિટીઝ કે હાર્ટ માટે જ ખરાબ છે એવું નથી. એનાથી તમારી માતા કે પિતા બનવાની સંભાવનાઓ પર પણ અસર થાય છે. પતિ કે પત્નિ બેમાંથી કોઈ પણ એક વ્યકિત જો રોજ એક મીઠી સોડા પીતી હોય તો ગર્ભાધાન માટે મુશ્કેલીઓ આવી શકે છે.

અમેરિકાની બોસ્ટન યુનિવર્સિટી સ્કૂલ ઓફ પબ્લિક હેલ્થના નિષ્ણાંતોનું કહેવું છે કે જે પુરૂષો રોજ એક સોડા કે ગળ્યું પીણું પીએ છે તેમની ફર્ટિલિટીમાં ૩૩ ટકા જેટલો ઘટાડો જોવા મળે છે.

સ્ત્રીઓમાં આ આદતથી ૨૦ ટકા જેટલો ફરક આવે છે. મોટા ભાગે લોકો એવું માની લે છે કે એકાદ પીણામાં વળી શું થઈ જવાનું હતું ? પરંતુ દરેક વખતે વ્યકિત સાદી મીઠી સોડા જ પીએ એવું નથી હોતું. અઠવાડિયામાં બે થી ત્રણ વાર કેફીનયુકત પીણા પણ આવી જતા હોય છે. અભ્યાસકર્તાઓએ નોંધ્યું હતુ કે, આર્ટિફિશ્યલ સ્વીટનરવાળા પીણાને કારણે સ્ત્રી-પુરૂષ બન્નેમાં હોર્મોનલ બદલાવો થાય છે. જે યુગલો ફેમિલી-પ્લાનિંગ કરવાનું વિચારતા હોય તેમણે પહેલેથી જ ગળ્યા પીણાં પીવાની આદત પર કંટ્રોલ કરી લેવો જરૂરી છે. આ પહેલાના અભ્યાસમાં ગળ્યા પીણાંથી ટાઈપ ટુ ડાયાબિટીઝ, વજનમાં વધારો, વીર્યની ગુણવત્તામાં ઘટાડો, વહેલું માસિક જેવા લક્ષણો જોવા મળવાનું નોંધાઈ ચૂકયુ છે.(૨-૧)

(11:26 am IST)
  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST

  • અમેરીકાના સ્વીમીંગ સિતારા માઈલ ફેલ્પ્સની પત્નિએ બીજા પુત્રને જન્મ આપ્યો : ૩૨ વર્ષના ફેલ્પ્સ અને તેની પત્નિ નિકોલે બીજા પુત્રને જન્મ આપ્યો હોવાની જાહેરાત કરી : ફેલ્પ્સે ૨૦૧૬માં રિયો ડિ જાનેરો ખાતેના ઉનાળાના ઓલિમ્પિક રમતોત્સવ બાદ સૌથી સફળ ઓલિમ્પિયન તરીકે નિવૃતિ લીધી હતીઃ તેણે ૨૮ ઓલિમ્પિક મેડલ જીત્યા હતા access_time 12:24 pm IST

  • આજે વર્ષનું પહેલુ સૂર્યગ્રહણ : ભારતમાં નહિં દેખાય : રાત્રે ૧૨:૨૫ થી શરૂ થશે સૂર્યગ્રહણ access_time 3:40 pm IST