Gujarati News

Gujarati News

News of Thursday, 15th February 2018

૨૬ દિવસથી ટોઇલેટ નથી ગયો આરોપી

આરોપીની ટોઇલેટ ના જવાથી પોલીસ પરેશાન

લંડન તા. ૧૫ : લંડનમાં એક આરોપી ડ્રગ ડીલર ૨૬ દિવસથી ટોઈલેટ નથી ગયો. પોલીસ રાહ જોઈ રહી છે કે આરોપી ટોઈલેટ જાય જેથી તેની વિરુદ્ઘ સબૂત એકઠા કરી શકે. લંડન પોલીસની એક યૂનિટ 'ઓપરેશન રેપ્ટર વેસ્ટ'ને આરોપીના આટલા દિવસો સુધી ટોઈલેટનો ઉપયોગ ન કરવા પર ટ્વિટરનો સહારો લેવો પડ્યો છે. પોલીસ ટ્વિટર પર #PooWatch નામના હેશટેગ ચલાવીને આરોપી ડ્રગ ડીલરને ટોઈલેટની આદતો જવા માટે પ્રયાસ કરી રહી છે.

એક અંગ્રેજી વેબસાઈટની ખબર મુજબ આરોપી ડ્રગ ડીલરને ૧૭ જાન્યુઆરીએ ધરપકડ કરવામાં આવી હતી. આરોપી પર 'એ કલાસ'ના ડ્રગની સપ્લાઈ કરવાનો આરોપ છે. મીડિયા રિપોર્ટ મુજબ આરોપી ૨૪ વર્ષીય લામાર ચેમ્બર્સને જયારે પોલીસે પકડ્યો ત્યારે તેણે એ કલાસ ડ્રગ ગળી ગયો અને ત્યારથી ૨૬ દિવસ થયા, તે સંડાસ નથી ગયો. આવી રીતે આરોપી અન્ય એક કેદીનો ૨૩ દિવસ સુધી સંડાસ ન જવાનો રેકોર્ડ તોડી નાખ્યો છે.

ધ સનનો દાવો છે કે આરોપીએ ટોયલેટ કરાવવા માટે ફાઈબર વાળા ફળ અને શાકભાજીઓ આપ્યા, પરંતુ તેણે આ લેવાથી ઈનકાર કરી દીધો. જેલના અંદર આરોપી ૨૬ દિવસોથી સંડાસ ન જવાના કારણે લોકોમાં આકર્ષણું કેન્દ્ર બની ગયો છે, તો બીજી તરફ પોલીસ પણ પરેશાન છે. ચેમ્સફોર્ડ મજિસ્ટ્રેસના આરોપીને હવે ત્યાં સુધી કસ્ટડીમાં રાખવાનો આદેશ આપવામાં આવ્યો છે, જયાં સુધી તે ડ્રગ્સ વિશે નહીં જણાવી દે. આ માટે તેને ૧૯૦ દિવસની કસ્ટડીમાં મોકલવામાં આવ્યો છે.

પોલીસનું કહેવું છે કે આરોપી કંઈ પણ ખાવાથી ઈનકાર કરી રહ્યો છે, અને જયાં સુધી તે ટોઈલેટનો ઉપયોગ નહીં કરે ત્યાં સુધી તેને છોડી શકાશે નહીં. આરોપીની હરકતને જોઈને લોકો ઈન્ટરનેટ પર જાતજાતની પ્રતિક્રિયાઓ આપી રહ્યા છે.(૨૧.૭)

(9:33 am IST)
  • ઇરાની રાષ્ટ્રપતિ હસન રૂહાની આજથી ભારતની ૩ દિવસીય યાત્રા ઉપર બપોરે ૪ વાગ્યે હૈદ્રાબાદ આવી પહોંચ્યા છે. કેન્દ્રીય મંત્રી આર.કે.સિધે તેમનું સ્વાગત કર્યું હતું access_time 4:29 pm IST

  • હજારો કરોડના પંજાબ નેશનલ બેન્કના કૌભાંડમાં નિરવ મોદીને ત્યાં દરોડા : મુંબઈમાં એન્ફોર્સમેન્ટ ડાયરેકટોરેટના ત્વરિત પગલા : નિરવ મોદીના ઘરે અને ઓફીસે ૧૦ થી ૧૨ સ્થળો પર ઈડીએ શરૂ કર્યુ સર્ચ ઓપરેશન : પંજાબ નેશનલ બેન્કના ૧૧ હજાર ૪૦૦ કરોડના કૌભાંડની તપાસનો જબરો ધમધમાટ : અનેકને રેલો આવશે access_time 12:24 pm IST

  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST