Gujarati News

Gujarati News

News of Tuesday, 14th January 2020

હે ભગવાન.....બિલાડીને બચાવવા આ દાદીમાએ પૌત્રને પાંચમા માળેથી લટકાવ્યો

નવી દિલ્હી:સોશિયલ મીડિયા પર ચીનનો એક શોકિંગ વીડિયો વાયરલ થઈ રહ્યો છે, જેને જોઈને તમે પણ દંગ રહી જશો. એક વૃદ્ધ મહિલાએ પોતાના 7 વર્ષીય પૌત્રને ચારે બાજુએ દોરડું બાંધી દીધું અને તેને એક અપાર્ટમેન્ટના 5માં માળે એટલા માટે લટકાવી દીધો, જેથી તે એક પાલતૂ બિલાડીને બચાવી શકે. સોશિયલ મીડિયા પર વીડિયો ખૂબ ઝડપથી વાયરલ થઈ રહ્યો છે. વીડિયોને નીચે ઊભા રહેલા લોકોએ રેકોર્ડ કરી લીધો અને ચીનના સોશિયલ મીડિયા પ્લેટફોર્મ પર શેર કરી દીધો.

પાલતૂ બિલાડી બે ફ્લોર નીચે એક છત પર ફસાયેલી હતી. મહિલાએ બાળકને દોરડા વડે બાંધીને નીચેની તરફ ઉતાર્યો. બાળક નીચે ઉતરીને બિલાડીને ઉંચકી લે છે, ત્યારબાદ મહિલા ધીમે રહીને તે બાળક અને બિલાડીને ઉપર ખેંચી લે છેદરમિયાન નીચે ઊભા રહેલા લોકો મહિલાને સાવધાન રહેવા માટે કહેતા દેખાઈ રહ્યા છે.

સ્થાનિક રિપોર્ટ્સમાં કહેવામાં આવ્યું છે કે, આખી ઘટના લગભગ 10 મિનિટમાં થઈ. 10 મિનિટ સુધી બિલાડી અને છોકરો હવામાં લટકતા રહ્યા. અઠવાડિયાની શરૂઆતમાં બનેલા ઘટના સિચુઆન પ્રાંતના પેંગટન કાઉન્ટીમાં બની હતી. લોકો આવું કૃત્ય કરવા બદલ મહિલાની ટીકા કરી રહ્યા છે અને પૂછી રહ્યા છે કે, તેણે બાળકની જીવને જોખમમાં શા માટે નાંખ્યો.

(3:00 pm IST)
  • બીએસએફએ કહ્યું કે ગઇરાત્રે એલઓસીને અડીને આવેલા નૌગામ સેક્ટરમાં બીએસએફ કેમ્પમાં હિમપ્રપાત થયો,ત્યાં તૈનાત બીએસએફના 7 જવાનમાંથી 6ને સુરક્ષિત બચાવી લેવામાં આવ્યા હતા,ફસાયેલા એક બીએસએફ કોન્સ્ટેબલની શોધખોળ ચાલુ છે access_time 8:26 pm IST

  • કેરલમાંથી બે ત્રાસવાદી ઝડપાયાઃ કર્ણાટકના ગૃહમંત્રી બાસવરાજા બોમાઈએ જાહેર કર્યું છે કે કેરળમાં થી ૨ શંકાસ્પદ ત્રાસવાદીઓ ઝડપાયા છે. તેમણે કહ્યું કે આ બંનેને ઉડુપી રેલવે સ્ટેશન થી પકડી લેવામાં આવ્યા છે. વિગતો મેળવાઇ રહી છે. access_time 11:51 am IST

  • છપાક જોવા પહોંચી લક્ષ્મી અગ્રવાલની પુત્રી : દીપિકાએ કહ્યું કેટલીક ફિલ્મો દિલથી કરાઈ છે : એસિડ એટેકની પીડિતા લક્ષ્મી અગ્રવાલની સંઘર્ષની કથાનક દર્શાવતી ફિલ્મ છપાક જોવા લક્ષ્મી અગ્રવાલની દીકરી પિહુ પહોંચી હતી :પિહુ અને દીપિકાએ ફિલ્મના એક ખાસ શો દરમિયાન ખુબ મસ્તી કરી હતી access_time 12:34 am IST