Gujarati News

નવી દિલ્હી: ભારત-ચીન તનાવ વચ્ચે કેન્દ્ર સરકારે બ્રહ્મપુત્ર નદી નીચે 14.8પ કિલોમીટર લાંબી ટનલ બનાવવાની સૈઘ્ધાંતિક મંજૂરી આપી છે. ખાસ વાત એ છે કે આ સડક પરિવહન ટનલ પૂર્વી ચીનના તાઇદુ તળાવની નીચે બની રહેલી સડક પરિવહન ટનલ (10.79 કિલોમીટર) થી વધુ લાંબી છે.

           અત્યાધુનિક ટેનકિથી બનનારી ટનલ આસામ-અરુણાચલ પ્રદેશથી આખું વર્ષ કનેકટીવિટી ઉપલબ્ધ કરાવવાને લઇને અને રણનીતિક દૃષ્ટિએ ખૂબ જ મહત્વપૂર્ણ છે. સરકાર આસામના ગોહપુર (એનએચ-54)થી નુમાલીગઢ (એનએચ-37) ને જોડવા માટે ચાર લેન સડક પરિવહન ટનલ બનાવવાની યોજના પર ઝડપથી કામ કરી રહી છે.