Gujarati News

Gujarati News

News of Friday, 14th February 2020

નવું સાધન કિશોરોમાં ડિપ્રેશનની આગાહી કરી શકશે

લંડન, તા.૧૪: સંશોધનકારોેએ એક નવું સાધન વિકસાવ્યું છે જે કિશોરોમાં ડિપ્રેશનના જોખમનો અભ્યાસ કરી શકશે, જેને કારણે તેમનામાંની માનસિક બીમારીઓને ઓળખવાની તક મળશે. અમેરિકન એકેડેમી ઓફ ચાઇલ્ડ એન્ડ એડોલસેન્ટ સાઇકિયાટ્રીની જરનલમાં આ સાધન અંગે માહિતી આપવામાં આવી છે. આ સાધનને કારણે કિશોરો જયારે ૧૮ વર્ષની પુખ્ત ઉંમરે પહોંચે ત્યારે તેમને પડતા માનસિક તણાવ અને ડિપ્રેશન ડિસઓર્ડરને સમજવાની તક મળશે.

આ અભ્યાસમાં યુકેના કિંગ્સ જયોર્જ લંડન સહિતના સંશોધકોએ આ સાધન વડે ન્યૂઝીલેન્ડ અને યુકેના કિશોરોમાં ડિપ્રેશનના જોખમનો અભ્યાસ કર્યો હતો, જેમાં આ સાધનમાં હતાશાની ક્ષમતાની આગાહી કરવામાં સ્થાનિક સ્તરે ફરક જોવા મળ્યો, જેને કારણે આ આગાહી કરતા સાધનને વિકસાવતા પહેલા સ્થાનિક માપદંડોને ધ્યાનમાં લેવાની જરૂરત જણાઇ હતી. જોકે, સંશોધનકારોનું માનવું છે કે આ તો હતાશાની ક્ષમતાની આગાહી કરવા માટેના સંશોધનનું પ્રથમ પગથિયું છે. આ સાધન કિશોરોમાં હતાશાની આગાહી કરી તેમનું માનસિક સ્વાસ્થ્ય સુધારવા માટે ઘણું મદદરૂપ થઇ શકે.

(10:06 am IST)
  • આવતીકાલ 14 ફેબ્રુઆરીના રોજ પૂર્વ વિદેશ મંત્રી સુષ્મા સ્વરાજના જન્મદિવસ નિમિતે સરકારની ભેટ : પ્રવાસી ભારતીય ભવનનું નામ સુષ્મા સ્વરાજ ભવન રાખ્યું : વિદેશ સેવા સંસ્થાનનું નામ સુષ્મા સ્વરાજ વિદેશ સેવા સંસ્થાન રાખ્યું : બંને ભવનો ઉપર બોર્ડ લગાવાઈ ગયા access_time 8:05 pm IST

  • 16 ફેબ્રુઆરીના રોજ કેજરીવાલના શપથ સમારોહમાં ખાસ મહેમાન તરીકે " છોટા મફલરમેન " હાજરી આપશે : કેજરીવાલની જેમ જ સ્વેટર ,મફલર ,ચશ્માં ,મૂછ ,અને ટોપી પહેરી સુવિખ્યાત થયેલ અય્યાન તોમરની હાજરી સહુને મંત્રમુગ્ધ કરશે access_time 7:56 pm IST

  • મુંબઈમાં ટિફિન સેવા આપતા ડબ્બાવાળાઓને હવે મળશે ઘરનું ઘર : મહારાષ્ટ્ર મંત્રી મંડળમાં 5 હજાર જેટલા ડબ્બાવાળાઓને પ્રધાનમંત્રી આવાસ યોજના હેઠળ મકાન આપવાના પ્રસ્તાવને મંજૂરી : દરરોજ 2 લાખ જેટલા ટિફિન પહોંચાડવાની સેવાની કદર access_time 9:00 pm IST