Gujarati News

Gujarati News

News of Wednesday, 14th February 2018

વેલેન્ટાઇન્સ ડે સ્પેશિયલઃ એવી બેંક જ્યાં પૈસા નહીં 'લવસ્ટોરી' થાય છે જમા

સ્લોવાકિયા  તા. ૧૪ : મધ્ય યુરોપના દેશ સ્લોવાકિયામાં એક એવી બેંક છે જેમાં પૈસા નથી જમા કરવામાં આવતા. પરંતુ અહીં કપલ્સ ખૂબ મોટી સંખ્યામાં આવે છે. આ કપલ્સ અહીં પોતાની લવ સ્ટોરી જમા કરાવવા આવે છે. આ દુનિયાની એક માત્ર લવ બેંક છે.

પ્રત્યેક વેલેન્ટાઇન્સ ડે નિમિત્ત્।ે અહીં મોટી સંખ્યામાં કપલ્સ આવે છે અને અહીં યોજાતા એકિઝબેશનમાં આવેલ લવ બેંક તેમના માટે આકર્ષણનું કેન્દ્ર છે. આ બેંક દુનિયાની સૌથી લાંબી લવ પોએમ મરીનાની યાદમાં ખોલવામાં આવી છે. આ કવિતાને સ્લોવાકિયાના કવિ આંદ્રેજ સ્લેડકોવિકે લખી છે.

વર્ષ ૧૮૮૪માં ૨,૯૦૦ લાઇનની આ કવિતાને લખી છે જેમાં તેમણે પોતાની પ્રેમિકા મારિયા પિશલોવા સાથેની લવ સ્ટોરીને આલેખી છે. રોમિયો અને જૂલિયટ જેમ જ આંદ્રેજ અને મારિયા પણ એક કયારેય ન મળી શકયા તેવા પ્રેમી છે. તેમની વાર્તા કોઈ કાલ્પનિક નહીં પરંતુ હકીકત છે.

સ્લોવાકિયાના શહેર બન્સ્કા સ્ટીવનિકાના જે ઘરમાં આંદ્રેજની પ્રેમિકા મારિયા રહેતી હતી તે હવે દુનિયામાં પ્રેમનું કેન્દ્ર બની ગયું છે. જયાં દર વર્ષે ઇન્ટરેકિટવ એગ્ઝિબિશનનું આયોજન થાય છે. આ સાથે જ અહીં એક લવ ઓ મીટર હોય છે જેમાં પ્રેમી કપલ વચ્ચે કેટલો પ્રેમ છે તે માપવામાં આવે છે.

મોટાભાગના કપલ્સ માટે લવ બેંકસ સૌથી મોટું આકર્ષણ છે. આ એવી બેંક છે જયાં કપલ્સ પોતાના પ્રેમ સાથે જોડાયેલ નિશાનીઓ રાખી શકે છે. મારિયાના ઘરના બેઝમેંટમાં એક લાંબી ટનલ છે જેને બેંકના લોકરરુમમાં ફેરવી નાખવામાં આવી છે.અહીં આ ટનલમાં લગભગ ૧ લાખ જેટલા નાના-નાના ડ્રોઅર છે. દરેક ડ્રોઅરમાં એક લવ લેટર હોય છે અને તેની સાથે પ્રેમ કવિતા મરીનાની ૧૭૪ વર્ષ જુની હસ્તપ્રતની કોપી પણ રાખવામાં આવી હોય છે.

(5:02 pm IST)
  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી. access_time 1:27 am IST

  • કેન્દ્રીય મંત્રી ઉમા ભારતીએ કહ્યુ છે કે, પાકિસ્તાને ભારત ઉપર ભાગલા પછી હુમલો કર્યો ત્યારે વડાપ્રધાન જવાહરલાલ નેહરૂએ રાષ્ટ્રીય સ્વયં સેવક દળની મદદ માગી હતી અને આરએસએસ પહોંચી પણ ગયેલ access_time 11:30 am IST

  • પાટણના ચાણસ્મા રોડ પર આંગડિયા પેઢીનો કર્મચારી લૂંટાયો : અંબાલાલ હરગોવન આંગડિયા પેઢીમાં છ ઈસમોએ બંદૂક બતાવી એક લાખ રોકડની લૂંટ કરી : ત્રણ શખ્સો પેઢીમાં ઘુસ્યા અને બંદૂકનો ડર બતાવી લૂંટ ચલાવી : લૂંટની જાણ થતા ચાણસ્મા પોલીસે ઘટનાસ્થળે દોડી આવી તપાસ શરૂ કરી access_time 3:43 pm IST