Gujarati News

Gujarati News

News of Wednesday, 14th February 2018

દારૂ પીધા પછી વ્યકિત ક્રોધી કેમ થઇ જાય છે?

લંડન તા. ૧૪: એ તો જગજાહેર છે કે દારૂ પીધા પછી વ્યકિત વધુ હિંસક, ગુસ્સાવાળી અને થોડીક ક્ષણો માટે સારા-ખોટાનો ભેદ ન સમજી શકે એવી ભોટ થઇ જાય છે. આવું થવાનું કારણ શું? ઓસ્ટ્રેલિયન રિસર્ચરોએ મગજ જયારે અમુકતમુક ચીજોમાં કાર્યરત હોય ત્યારે એનું મેગ્નેટિક રેઝોનન્સ ઇમેજિંગ સ્કેન કરીને તારવ્યું છે કે દારૂના બે પેગ પીવા માત્રથી પણ મગજ છટકી શકે છે. યુનિવર્સિટી ઓફ ન્યુ સાઉથ વેલ્સના અભ્યાસકર્તાઓએ દારૂ પીનારા વોલન્ટિયર્સના મગજનું સ્કેન તપાસીને તારવ્યું છે કે દારૂ પીવાથી આપણી વર્તણૂકમાં શિષ્ટતા જાળવવા માટે કાર્યરત મગજનો ભાગ થોડાક સમય માટે જાણે બહેરો થઇ જાય છે. સામાન્ય રીતે જે વ્યકિત સભ્યતાપૂર્વક, બીજાના વિશે વિચારીને વર્તન કરતી હોય તો પણ દારૂ પીધા પછી મગજનો એ ભાગ સુસ્ત થઇ જતો હોવાથી વ્યકિત નાની-નાની વાતે બેફામ, બેકાબૂ ગુસ્સો કરી બેસે છે.

(11:46 am IST)
  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે. access_time 1:11 am IST

  • કેન્દ્રીય મંત્રી ઉમા ભારતીએ કહ્યુ છે કે, પાકિસ્તાને ભારત ઉપર ભાગલા પછી હુમલો કર્યો ત્યારે વડાપ્રધાન જવાહરલાલ નેહરૂએ રાષ્ટ્રીય સ્વયં સેવક દળની મદદ માગી હતી અને આરએસએસ પહોંચી પણ ગયેલ access_time 11:30 am IST

  • ગાંધીનગરમાં આજે રાજ્ય સરકારની કેબિનેટ બેઠક યોજાઈ હતી. મુખ્યમંત્રી વિજય રૂપાણીની અધ્યક્ષતામાં યોજાયેલી બેઠકમાં જળસંકટ, આગામી બજેટ સત્ર ઉપરાંત વર્તમાન પરિસ્થિતિ સહિતના મુદ્દે ચર્ચા થઈ હતી. સાથે જ કેનેડાના પીએમ આગામી અઠવાડિયે ગુજરાત આવવાના હોઈ તે મુદ્દે પણ ચર્ચા થઈ હોવાનું જાણવા મળે છે. access_time 3:33 pm IST