Gujarati News

Gujarati News

News of Wednesday, 14th February 2018

જો વજન ઘટાડવું હોય તો બે કોળિયા વચ્ચેનો સમય વધારો

ટોકીયો તા. ૧૪ : જપાનની કયુશુ યુનિવર્સિટીના નિષ્ણાંતોનું કહેવું છે કે વજન ઘટાડવું હોય તો શું ખાવું અને શું ન ખાવું એ ધ્યાન રાખવાની સાથે-સાથે દરેક કોળિયા વચ્ચેનો સમય પણ વધારવો જોઇએ. મતલબ કે ધીમે-ધીમે ખાવું જોઇએબીજો પણ એક થમરૂલ છે કે સુવાના બે કલાક પહેલા કશું જ ન ખાવું. અભ્યાસકર્તાઓએ ડાયાબિટીઝ ધરાવતા ૬૦,૦૦૦ લોકોનો ર૦૦૮ થી ર૦૧૩ દરમ્યાન અભ્યાસ કર્યો હતો. એમાં પાર્ટિસિપન્ટ્સને વીકમાં ત્રણ વાર તેમણે કઇ રીતે ખાધું એ પૂછવામાં આવ્યું હતું. એક, સુવાના બે કલાક પહેલા ખાધું હતું કે નહી ? બીજું ડિનર પછી આચરકુચર ખાધેલું કે કેમ ? ત્રીજું, સવારનો બ્રેકફાસ્ટ કર્યો કે નહી ? અને છેલ્લે જમતી વખતે કેટલો સમય લાગ્યો? આ ચારેય સવાલોના જવાબનું અત્યંત સંકુલ વિશ્લેષણ કરીને નિષ્ણાતોએ તારવ્યું છે કે જમવામાં સમય લગાડનારા અને ધીમે-ધીમે ખાનારાઓનું વજન આપ મેળે કન્ટ્રોલમાં રહી શકે છે.

(11:46 am IST)
  • IPL 11ની મેચોનું ટાઈમ ટેબલ જાહેર : 51 દિવસ ચાલશે મેચો : રોહિત અને ધોની વચ્ચે પહેલી ફાઈટ : BCCIએ ઈન્ડિયન પ્રીમિયર લીગ (IPL)ની 11મી સીઝનના મેચ શિડ્યુલની જાહેરાત બુધવારના રોજ કરી. 51 દિવસ ચાલનારી આ ટુર્નામેન્ટની શરૂઆત 7 એપ્રિલ 2018ના રોજ થશે. સીઝનની પહેલી મેચ હાલની ચેમ્પિયન ટીમ મુંબઈ ઈન્ડિયન્સ અને બે વખત ચેમ્પિયન રહેલી ટીમ ચેન્નઈ સુપર કિંગ્સ વચ્ચે મુંબઇના વાનખેડે સ્ટેડિયમાં રમાશે. access_time 1:12 am IST

  • રાત્રે રાજકોટ જામનગર હાઇવે ઉપર અકસ્માત :પડધરી ટોલબુથ પાસે ટ્રેકટર અને ટેમ્પો વચ્ચે ગમખ્વાર અકસ્માત ;કાંતિભાઈ ગોડાનું મોત ;ગ્રામજનો બચાવકાર્યમાં લાગ્યા access_time 9:56 pm IST

  • ઈઝરાયલી વડાપ્રધાન નેતન્યાહુ વિરૂધ્ધ લાંચ લેવા અને છેતરપીંડીનો કેસ ચલાવવા ભલામણ : ઈઝરાયલી પોલીસે ૧૪ મહિનાની તપાસ બાદ વડાપ્રધાન બેંજામીન નેતન્યાહુ વિરૂધ્ધ લાંચ લેવી, છેતરપીંડી અને વિશ્વાસઘાતના આરોપો મૂકી કેસ ચલાવવાની ભલામણ કરી : પોલીસ અનુસાર, તેના પાસે નેતન્યાહુ વિરૂધ્ધ આ આરોપો સંબંધી બે ઘટનાના યોગ્ય સબૂત છે : નેતન્યાહુ ઉપર કેસ ચલાવવો કે નહીં તેનો નિર્ણય અટૉર્ની જનરલ કરશે access_time 11:31 am IST