Gujarati News

Gujarati News

News of Sunday, 14th January 2018

તુર્કીએ આઇએસના વધુ ૧૦ શકમંદોની ધરપકડ કરી

તુર્કીમાં સંચાલિત એક ન્યુઝ એજન્સીએ આપેલી માહિતી અનુસાર તુર્કીની પોલીસે આતંકવાદી સંગઠન આઇએસઆઇએસ  સાથે સાંઠગાંઠ ધરાવતાં હોવાની શંકા હેઠળ લગભગ ૧૦ જેટલા શકમંદોની ધરપકડ કરી લીધી છે. જો કે ધરપકડ કરાયેલા લોકોમાં આ સમૂહનો એક લીડર પણ સામેલ છે. એનાડોલુ ન્યુઝ એજન્સીએ આ માહિતી આપી હતી. જેમાં તેણે જણાવ્યું કે શુક્રવારે સેન્ટ્રલ તુર્કીના કાયસેરી પ્રાંત તથા સીરિયા સાથેની સરહદે આવેલા ગાઝિયનટેપ ખાતે તુર્કીની પોલીસ અને સુરક્ષાદળોએ મોટાપાયે સર્ચ ઓપરેશન હાથ ધર્યુ હતું જયાં આ શકમંદોને ઝડપી લેવામાં આવ્યા હતા.

(12:02 pm IST)
  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છે જ access_time 11:48 am IST

  • કચ્છના લોરિયા પાસે ગોઝારા માર્ગ અકસ્માતમાં સૌરાષ્ટ્ર-ધોરાજીના મોટા ગુંદાળાના 9 યુવકોના કરૂણમોત : મરનાર તમામ એક જ ગામ મોટા ગુંદાળાના છે : ઇકો કાર અને લક્ઝરી બાદ વચ્ચેની ટક્કરમાં મૃતકો ઇકો કારમાં હતા : કારનો બુકડો બોલી ગયો : લકઝરી બસ ભુજ થી ખાવડા જતી હતી : ઇકો કાર ખવડાથી ભુજ તરફ આવતી હતી : આ બધા યુવકો સફેદ રણ જતા હતા ત્યારે કચ્છના લોરિયા પાસે સર્જાયેલ અકસ્માતમાં બધા જ 9ના સ્થળ પર જ મોત થયા છે access_time 11:53 pm IST

  • લીંબડી - બગોદરા નેશનલ હાઇવે પર રળોલ ગામના પાટીયા પાસે ગંભીર અકસ્માત સર્જાયો. બંધ ઉભા ટ્રક પાછળ ઇક્કો ગાડી તેમજ અન્ય એક હ્યુન્ડાઇ કાર ધુસી જતા ટ્રિપલ અકસ્માત સર્જાયો હતો. જેમાં અકસ્માતમાં 2 વ્યક્તિ ના ઘટના સ્થળે મોત નિપજ્યા હતા અને 4 વ્યક્તિ ને ગંભીર ઇજા થઇ છે. આ અકસ્માતની જાણ થતાજ 108ની ટીમ સ્થળ પર પહોંચી હતી. તમામ ઇજાગ્રસ્તોને વધુ સારવાર માટે સુરેન્દ્રનગર તેમજ અમદાવાદ હોસ્પિટલમાં ખસેડવામાં આવ્યા હતા. access_time 9:35 pm IST