Gujarati News

Gujarati News

News of Sunday, 14th January 2018

ચીની યુવતી યાંગ હુઈયાને સાત દિવસમાં રૂ. ૩૯ હજાર કરોડની કમાણી કરી!

રિઅલ એસ્ટેટનો બિઝનેસ કરતી યાંગ ચીનની સૌથી ધનવાન યુવતી

બેઈજિંગ, : શનિવાર ચીનની કન્ટ્રી ગાર્ડન હોલ્ડિંગ કંપનીની વાઈસ ચેરપર્સન અને ચીનની જાણીતી પ્રોપર્ટી ડેવલપર યાંગ હઈયાનને ૨૦૧૮નું વર્ષ ફળ્યું છે. વર્ષની શરૂઆતના પહેલાં સપ્તાહમાં જ તેની કમાણીમાં રૂ. ૩૯ હજાર કરોડનો વધારો થયો હતો. તે સાથે જ તે ચીનની સૌથી ધનવાન મહિલા બની ગઈ છે. ચીનની ૩૬ વર્ષીય બિઝનેસ સાહસિક યાંગ હઈયાનને એક જ સપ્તાહમાં મળેલાં આટલા મોટા આર્થિક જમ્પના કારણે તેણે કમાણીની બાબતમાં બિલ ગેટ્સ અને મુકેશ અંબાણીને ય પાછળ રાખી દીધા છે. બ્લૂમબર્ગ બિલિયોનેર ઈન્ડેક્સના કહેવા પ્રમાણે અત્યારે યાંગથી એમેઝોનના જેફ બેઝોસ જ આગળ છે. મહિલાઓની યાદીમાં બ્લૂમબર્ગે તેને પ્રથમ સ્થાન આપ્યું છે. તેની નેટવર્થ ૨.૬૫ લાખ કરોડ હોવાનું અનુમાન બાંધવામાં આવ્યું હતું. ૩૬ વર્ષની યાંગ ચીનની સૌથી યુવા ધનવાન બિઝનેસ પર્સન છે. યાંગને તેના પિતા યાંગ ગ્યુક્વિંગે ૨૦૦૫માં વારસો આપ્યો હતો. એ પછી તેની બિઝનેસ કૂનેહથી તેણે વારસામાં મળેલા રીઅલ એસ્ટેટ બિઝનેસને આગળ વધાર્યો છે અને એક નવી ઊંચાઈ આપી છે. બ્લૂમબર્ગના નવા વર્ષના આર્થિક ઈન્ડેક્સમાં ભારતના બિઝનેસમેન મુકેશ અંબાણી ૨૦મા ક્રમે છે. આ વર્ષે મુકેશ અંબાણીની આવકમાં ૨૪૬૨ કરોડનો વધારો થયો હતો. તે સાથે જ તેમની નેટવર્થ ૨.૬૦ લાખ કરોડ થઈ હોવાનું કહેવાય છે. તો બિલ ગેટ્સની આવકમાં ૯૫૫૫ કરોડનો વધારો થયો હતો. તે સાથે જ તેમની નેટવર્થ ૬.૩૧ લાખ કરોડ થઈ હોવાનો અંદાજ છે. આ બધાથી આગળ એમેઝોનને જેફની નેટવર્થ ૬.૭૪ લાખ કરોડ છે.

 

(11:34 am IST)
  • દક્ષિણ ભારતના સુપરસ્ટાર રજનીકાંત બાદ હવે કમલ હાસન રાજકારણમાં એન્ટ્રી મારશે. કમલ હાસને ચેન્નઈમાં વિકાસ એવોર્ડ સમારંભમાં હાજરી આપતા જણાવ્યું કે તે 18 જાન્યુઆરીએ રાજનીતિમાં જોડાવવાની યોજના અંગે ખુલાસો કરશે. 26 જાન્યુઆરીના રોજ તેઓ તમિલનાડુની યાત્રા શરૂ કરશે. access_time 3:54 pm IST

  • લીંબડી - બગોદરા નેશનલ હાઇવે પર રળોલ ગામના પાટીયા પાસે ગંભીર અકસ્માત સર્જાયો. બંધ ઉભા ટ્રક પાછળ ઇક્કો ગાડી તેમજ અન્ય એક હ્યુન્ડાઇ કાર ધુસી જતા ટ્રિપલ અકસ્માત સર્જાયો હતો. જેમાં અકસ્માતમાં 2 વ્યક્તિ ના ઘટના સ્થળે મોત નિપજ્યા હતા અને 4 વ્યક્તિ ને ગંભીર ઇજા થઇ છે. આ અકસ્માતની જાણ થતાજ 108ની ટીમ સ્થળ પર પહોંચી હતી. તમામ ઇજાગ્રસ્તોને વધુ સારવાર માટે સુરેન્દ્રનગર તેમજ અમદાવાદ હોસ્પિટલમાં ખસેડવામાં આવ્યા હતા. access_time 9:35 pm IST

  • બળવાખોરોના કબજા હેઠળની સીરિયાની રાજધાની દમાસ્કસના બહારના વિસ્તારોમાં ભયંકર કેમિકલ ગેસનો હુમલો થયાનું બહાર આવ્યું છે. બીબીસીના હવાલાથી જાણવા મળે છે કે રોજિંદા બોમ્બમારાની વચ્ચે વસતા પૂર્વ ગુટા ક્ષેત્રના લોકોએ એક મિસાઈલ હુમલા પછી એક પ્રકારની ગેસની દુર્ગંધ અનુભવી હતી. આરોગ્ય કર્મીઓનું કહેવું છે કે આ હુમલા બાદ ઘણા લોકોને શ્વાસ સંબંધિત તકલીફોની સારવાર અપાઈ રહી છે. access_time 3:15 pm IST