Gujarati News

નવી દિલ્હી: આજના જમાનામાં અંતરને ઓછુ કરવામાં જ્યાં ટેક્નોલોજી મહત્વની ભૂમિકા ભજવી રહી છે ત્યાં આ ટેક્નોલોજીના ચક્કરમાં અનેક ઘર પણ તૂટી રહ્યાં છે. દગા અને બેવફાઈના અહેવાલો તો જોવા મળે છે પરંતુ એક આવો રસપ્રદ કેસ તમે પહેલા નહીં જાણ્યો હોય. ગુગલ મેપનો તો આપણે બધા ઉપયોગ કરતા હોઈએ છીએ. પણ ગુગલ મેપના એક ફીચર ગુગલ સ્ટ્રીટ વ્યુના કારણે પેરુમાં એક પતિએ પત્નીને ડિવોર્સ આપી દીધા.

વાત જાણે એમ હતી કે ગુગલ મેપ્સમાં પેરુમાં એક પતિએ તેની પત્નીને કોઈ બીજી વ્યક્તિ સાથે રંગરેલીયા મનાવતી જોઈ લીધી. તે જે જગ્યાએ જવાનુ પ્લાનિંગ કરતો હતો, તે રસ્તા અંગે ગુગલ મેપ્સમાં જોઈ રહ્યો હતો. તેણે જોયું કે તેની પત્નીના ખોળામાં કોઈ વ્યક્તિ સૂતો છે અને બંને એક જ બેન્ચ પર બેઠા છે. મહિલાના વાળના કારણે તેનો ચહેરો સ્પષ્ટપણે જોઈ શકાતો નથી. ગુગલ પર આવેલી તસવીર બાદ યુવકે સૌથી પહેલા તો તે યુવતી તેની પત્ની જ હોવાની પુષ્ટિ કરી અને કહ્યું કે આવા જ કપડાં તેની પત્ની પાસે છે, જે કપડાં તસવીરમાં યુવતીએ પહેરેલા છે. તસવીર જોઈને યુવક એકદમ સ્તબ્ધ થઈ ગયો હતો.