Gujarati News

Gujarati News

News of Wednesday, 12th September 2018

બ્રાઝીલની હાઇ સિકયોરીટી જેલ પર હુમલો : ૧૦૫ કેદી ફરાર

૨૦ લોકોએ કર્યું અંધાધૂંધ ફાયરીંગ

બ્રાઝીલ તા. ૧૨ :  બ્રાઝીલની સૌથી સુરક્ષિત ગણાતી જેલ પર અજાણ્યા શખ્શોએ હુમલો કર્યો હતો. આ હુમલામાં ૧૦૫ કેદીઓ ભાગવામાં સફળ રહ્યાં હતા. જોકે જેલ પ્રશાશને ૫૦ કેદીઓને પકડી પાડ્યાં છે. પરંતુ અન્ય ૫૫ કેદીઓ હજી પણ ફરાર છે.જેલ પ્રશાશન દ્વારા મળતી માહિતી મુજબ ચાર વાહનો પર ૨૦ લોકો રાઈફલ અને વિસ્ફોટકો લઈને જેલ પરિસરમાં ઘુસી આવ્યા હતા. ત્યારબાદ ગાર્ડ પોસ્ટ, બેરેક, અને જેલના મુખ્ય દ્વાર પર અંધાધૂંધ ફાયરિંગ કર્યું હતું.

 

સુરક્ષા દળો અને હુમલાખોરો વચ્ચેના ફાયરિંગમાં જેલનો મુખ્ય દરવાજો પડી ગયો હતો.  દરમિયાન જેલમાંથી ૧૦૫ કેદી ભાગી છૂટ્યા હતા. જોકે પોલીસે ૫૦ કેદીઓને તરત જ ઝડપી પાડ્યા હતા. જયારે ૫૫ અન્ય ભાગી છૂટ્યા હતા.

બીજી તરફ હથિયારોથી સજ્જ હુમલાખોરોના અન્ય એક સમુહે પાસેનો હાઈવે જામ કર્યો હતો અને એક પોલીસકર્મીને ગોળી મારી હતી. ઈજાગ્રસ્ત પોલીસકર્મીને સારવાર માટે હોસ્પિટલમાં દાખલ કરવામાં આવ્યો છે. જેની હાલત નાજુક હોવાનું જણાવવામાં આવ્યું છે.

ઉપરોકત જેલ અને હાઈવે પર સર્જાયેલી બન્ને ઘટનાઓના તાર પરસ્પર જોડાયેલા હોવાનું પોલીસનું માનવું છે. સુરક્ષા કારણોને ધ્યાનમાં રાખીને જે પરેબા વિસ્તારની જેલમાં ફાયરિંગ કરવામાં આવ્યું છે ત્યાંની યુનિવર્સિટી, કેટલીક સ્કૂલો અને હોસ્પિટલ સુરક્ષાકારણોને ધ્યાનમાં રાખીને અસ્થાયીરુપે બંધ કરવામાં આવ્યા છે.

(12:12 pm IST)
  • સુરત :મિઝલ્સ-રુબેલા રસીકરણ કેમ્પેઇન:10 લાખ 82 હજાર 878 બાળકોને રસીકરણ કરાયું: રાજ્યમાં સૌથી વધુ બાળકોનું રસીકરણ સુરતમાં થયું :16 જુલાઈથી શરૂ થયું હતું કેમ્પેઇન: 9 માસથી 15 વર્ષના બાળકોનું રસીકરણ કરાયું access_time 11:02 pm IST

  • રાજુલા પંથકમાં દારૂની બદી નાબૂદ કરો :રાજુલા તાલુકાના 5 ગામોની મહિલાઓ પોહચી અંબરીશ ડેર ના ફામ હાઉસ પર:સાંચબંદર,ખેરા, પટવા, વિક્ટર,પીપાવાવ ધામ સહિત ગામડા ની 200થી વધુ મહિલાઓએ રજૂઆત કરી:ગામડામાં દેશી દારૂ,નશીલા પદાર્થની બોટલનું બે ફામ વેચાણ અટકાવવા કરી રજુઆત:ધારાસભ્ય અંબરીશ ડેર વિધાનસભાના સત્રમા આ મુદ્દો ઉછાળશે access_time 10:58 pm IST

  • વડોદરામાં રાફેલ મુદ્દે કોંગ્રેસની રેલી યોજાઈ :શાહિદ ભગતસિંહ ચોકથી નીકળી રેલી:રેલીમાં રાફેલનું મોડલનું પ્રદશન :પ્રદેશ પ્રમુખ અમિત ચાવડાએ રેલીમાં લીધો ભાગ:કલેક્ટરને આપ્યું આવેદન access_time 11:57 pm IST