Gujarati News

Gujarati News

News of Thursday, 13th June 2019

બર્મુડા ટ્રાયેન્ગલમાં ફસાયેલો માછીમાર ૧૧ દિવસ પેશાબ પીઇને જીવતો રહ્યો

બીર્જીગ તા.૧૩: ચીનનો નિયાન નામનો બાવન વર્ષનો માછીમાર ચીનના દક્ષિણ પૂર્વીય કિનારાથી ૬૩ કિલોમીટર દુર ફસાઇ ગયો હતો. માછલી પકડવા નીકળેલો નિયાન ૧૦ મેથી ત્યાં ફસાયેલો અને જીવતો રહેવા માટે તેણે પૂરા ૧૧ દિવસ સંઘર્ષ કર્યો હતો.  તે જ્યાં ફસાયેલો હતો ત્યાંથી પાછા જીવિત ફરવું મુશ્કેલ હતું. તે બર્મુડા ટ્રાયેન્ગલમાં ફસાઇ ગયો હતો અને સમુદ્રમાં ભટકી ગયો હતો. ઝડપી પવન,ભયંકર લહેરો અનેે ખરાબ વાતાવરણને કારણે તેની પેટ્રોલ-બોટ આ ટ્રાયેન્ગલમાં અટકી ગઇ હતી. તેણે માછલીને ખવડાવવા માટેના દાણા ખાઇને અને પોતાનું જ યુરિન પીને જીવન ટકાવી રાખ્યું હતું. છેક ૧૧મા દિવસે એક કાર્ગો શિપે નિયાનની બોટ જોતા તેને ઉગારી લીધો હતો. બીજી તરફ નિયાનના ઘરવાળાઓ તેને શોધી રહ્યા હતા અને જેમ-જેમ દિવસો વીતતા જતા હતા તેમ તેમને નિયાત જીવતો પાછો ફરવાની આશા રહી નહોતી.

(3:26 pm IST)
  • 'વાયુ' વાવાઝોડુ ઓમાન તરફ ફંટાયુ છે જે સતત હવે પશ્ચિમ દિશામાં ગતિ કરે તેવી હાલના અનુમાનો મુજબ શકયતાઓ દેખાઈ રહી છે : હવે સૌરાષ્ટ્રના દરિયાકાંઠાના અમુક વિસ્તારોમાં ભારે વરસાદ પડવાની સંભાવના છે જયારે અમુક વિસ્તારોમાં હળવાથી મધ્યમ પડશે. access_time 11:36 am IST

  • ભારતે ચીનના 10 દરિયાઇ જહાજોને શરણ આપી છે, ચીની જહાજ ચક્રવાત વાયુમાં ફસાઇ ગયા હતા, આ જહાજને મહારાષ્ટ્રના રત્નાગીરી બંદર પર શરણ આપવામાં આવી છે. ભારતના તટરક્ષક મહાનિરિક્ષક કે આર સુરેશે જણાવ્યું કે ભારતીય તટરક્ષક દળે ચીનના 10 જહાજોને સુરક્ષાઘેરામાં રહેવાની અનુમતી આપી દીધી છે. access_time 12:45 am IST

  • વાયુ વાવાઝોડું અપડેટ : રાજ્ય ના તમામ બંદર ઉપર લગાવાયા 9 નંબર નું સિગ્નલ : અતિ ભયજનક ગણાય 9 નંબર નું સિગ્નલ : પોરબંદર, જાફરાબાદ, વેરાવળ સહિત ના બંદર પર પણ ભયજનક 9 નંબર નું સિગ્નલ લગાવાયું : લોકો ને શાંતિ જાળવવા અને સાબદા રહેવા તંત્રની અપીલ access_time 8:14 pm IST