Gujarati News

Gujarati News

News of Thursday, 13th June 2019

ડિલિવરી પછી ૩૦ જ મિનિટમાં હોસ્પિટલમાં બેસીને આપી પરીક્ષા

લંડન તા.૧૩: ઇથિયોપિયામાં રહેતી ૨૧ વર્ષની અલ્માઝ ડેરેસી નામની યુવતી પ્રેગ્નન્ટ હતી અને તેને આશા હતી કે પરીક્ષા પુરી થયા પછી જ તેને ડિલિવરી આવશે, પરંતુ રમઝાનની રજાઓને કારણે સેકન્ડરી સ્કુલની પરીક્ષાઓ સ્થગિત થઇ ગઇ હતી. નવા ટાઇમ-ટેબલ મુજબ તેની પરીક્ષા સોમવાર એટલે કે ૧૧ જૂનથી શરૂ થઇ હતી. આ તારીખ તેની પ્રસૂતિની તારીખથી બહુ નજીક હતી. થયું પણ એવું જ કે મંગળવારે પેપર શરૂ થાય એ પહેલા જ તેને લેબર પેઇન ઊપડ્યું હતું. તેની ડિલિવરી થઇ અને અડધો કલાક પછી તરત તેણે હોસ્પિટલમાં બેસીને જ અંગ્રેજીની એકઝામ આપી હતી.

તેણે ત્રણ એકઝામ-પેપર હોસ્પિટલના બેડ પર લખીને આપ્યા હતા અને હવે બીજા બે પેપર એકઝામ-સેન્ટરમાં જઇને આપશે. અલ્માઝ હોસ્પિટલમાં બેસીને પરીક્ષા આપી શકે એ માટે તેના પતિએ પહેલેથી જ સ્કૂલમાં અરજી કરી રાખી હતી જેથી છેલ્લી ઘડીએ બધું સહેલાઇથી પાર પડી ગયું.

(3:25 pm IST)
  • નવસારીમાં 'વાયુ' વાવાઝોડાની અસરઃ બોરસી, માછીવાડ ગામમાં દરિયાના પાણી ઘૂસ્યા access_time 12:52 pm IST

  • કોણ બનશે ભાજપના અધ્યક્ષ ? પક્ષના નેતાઓ સાથે અમિતભાઇ શાહની બેઠક શરૃઃ કેન્દ્રીય ગૃહમંત્રી અને બીજેપી અધ્યક્ષ અમિતભાઇ શાહ આજે પક્ષના રાજય એકમોની સાથે બેઠક કરીને પક્ષમાં થનારા સંગઠનની ચૂંટણી પર મંથન કરશેઃ આ બેઠકમાં દરેક રાજયોના પ્રમુખ, મહામંત્રી અને રાજય પ્રભારી સામેલ થયા access_time 3:20 pm IST

  • ખંભાળિયા - પોરબંદર રોડ પર રેલવે પાટા નજીક મૃતદેહ મળ્યો:પોલીસ ઘટના સ્થળે પહોંચી :મૃતદેહને પીએમ માટે લઇ જવાયો : જુના ડેડબોડી હોવાની શંકા access_time 10:37 pm IST