Gujarati News

Gujarati News

News of Tuesday, 13th April 2021

સાઉથ ચાઈના સી વિસ્તારમાં એકઠા થયા અમેરિકા-ચીનના યુદ્ધ જહાજો

નવી દિલ્હી: પ્રથમવાર અમેરિકા અને ચીનના કદાવર યુદ્ધ જહાજો સાઉથ ચાઈના સી વિસ્તારમાં એકઠા થયા છે. ચીને પોતાનું વિમાનવાહક જહાજ (એરક્રાફ્ટ કેરિયર) લિઆઓનિંગ પ્રથવાર પાણીમાં ઉતાર્યું છે. આ ચીનનું પ્રથમ એરક્રાફ્ટ કેરિયર જહાજ છે. બીજી તરફ અમેરિકી નૌકા કાફલામાં યુએસએસ થિઓડોર રૂઝવેલ્ટ નામનું કદાવર યુદ્ધજહાજ અને અન્ય જહાજો શામેલ છે. અમેરિકા અને ફિલિપાઈન્સ વચ્ચે સોમવારે અહીં લશ્કરી કવાયત આરંભાઈ છે. ચીની લશ્કરે ફિલિપાઈન્સના જળ વિસ્તારમાં અડીંગો જમાવ્યો છે. માટે ચીનને ધમકાવવા અમેરિકાએ આ પગલું ભર્યાનું જણાય છે. પરંતુ બન્ને દેશના યુદ્ધ જહાજો નજદીકી વિસ્તારમાં આવવાથી પાણીમાં આગ લાગે એવા સંજોગો ઉભા થયા છે. અમેરિકી યુદ્ધજહાજ પર સંખ્યાબંધ ઘાતક બોમ્બર વિમાનો એફ-૩૫ પણ છે. હેલિકોપ્ટર અને લશ્કરી સામગ્રી તો ખરી જ. ચીને પોતાના જહાજનું લોકેશન જાહેર કર્યું ન હતું, પણ સેટેલાઈટ ઈમેજમાં બન્ને જહાજો દેખાઈ રહ્યા છે. એત્યારે તેઓ એકબીજાથી દૂર હોવા છતાં દરિયામાં તો નજીક કહી શકાય એટલા અંતરે જ છે.

(6:03 pm IST)
  • ઉત્તર પ્રદેશમાં કોરોનાએ કાળોકેર વર્તાવ્યો : રાજ્યના 12થી વધુ આઈએએસ અધિકારીઓ કોરોના સંક્રમિત : સીએમ કાર્યલયમાં પણ કોરોના ઘુસ્યો : યોગી આદિત્યનાથની ઓફિસમાં કેટલાક અધિકારીઓ અને કર્મચારીઓને કોરોના વળગ્યો access_time 1:03 am IST

  • અમેરિકાનું ઐતિહાસિક પગલું : 11 સપ્ટેમ્બર સુધીમાં કોઈપણ શરતો વિના અફઘાનિસ્તાનથી તમામ યુએસ સૈનિકો પરત ખેંચવાનું જાહેર કરતા રાષ્ટ્રપતિ જો બાયડન : અમેરિકાએ, સૈનિકોને પરત લાવવા દરમ્યાન કોઈપણ હુમલા અંગે આતંકી તાલિબાનને 'ભયાનક પ્રતિસાદ' આપવાની ચેતવણી આપી : સૈનિકોને અફઘાનિસ્તાનથી અમેરિકા પરત લાવવા બાબતે બુધવારે રાષ્ટ્રપતિ બાયડન સંબોધન કરશે તેમ વ્હાઇટ હાઉસ પ્રવક્તાએ જણાવ્યું છે. access_time 11:18 pm IST

  • દેશમાં કોરોનાએ આડોઆંક વાળ્યો :એક્ટિવ કેસની સંખ્યા 12,58 લાખને પાર પહોંચી : રાત્રે 12 વાગ્યા સુધીમાં કોરોનાના નવા 1,60,694 કેસ નોંધાયા :કુલ કેસની સંખ્યા 1,36,86,086 થઇ :એક્ટિવ કેસ 12,58,906 થયા : વધુ 96,727 દર્દીઓ સ્વસ્થ થતા કુલ 1,22,50,440 સાજા થયા :વધુ 880 લોકોના મોત સાથે કુલ મૃત્યુઆંક 1,71,089 થયો : દેશમાં સૌથી વધુ મહારાષ્ટ્રમાં 51,751 નવા કેસ, ઉત્તર પ્રદેશમાં 13,604 કેસ, છત્તીસગઢમાં 13,576 કેસ , દિલ્હીમાં 11,491 કેસ અને કર્ણાટકમાં 9579 કેસ નોંધાયા: ગુજરાત અને મધ્યપ્રદેશમાં 6 હજારથી વધુ કેસ નોંધાયા access_time 1:14 am IST