Gujarati News

Gujarati News

News of Tuesday, 13th April 2021

૨૮ વર્ષની મહિલાને સૂર્યકિરણથી ૨૮ વાર કેન્સરનું નિદાન થયું છે

૧૦ લાખમાં એકને આવી બીમારી થાય છે

લંડન તા. ૧૩ : એન્ડ્રિયા ઇવોન મનરો નામની મહિલા આખો દિવસ ઘરમાં જ બેસી રહે છે. વહેલી સવારનો કૂણો તડકો લેવા કે સાંજે પણ તે બહાર આવતી નથી. ૨૮ વર્ષની આ મહિલાની શરીરની ચામડી સૂર્યનો પ્રકાશ સહન નથી કરી શકતી. કેલિફોર્નિયામાં રહેતી આ મહિલા નાની હતી ત્યારથી તેને કુલ ૨૮ વખત સ્કિન-કેન્સર થઈ ચૂકયું છે.

માત્ર ૨૩ વર્ષની વયે જ તેને મેનોપોઝ પણ આવી ગયું હતું. તે ઝડપથી વૃદ્ઘ થઈ રહી છે. આ બીમારીને ઝેરોડોરમા પિગમેન્ટોસમ કહેવામાં આવે છે. ૧૦ લાખમાં એકને આવી બીમારી થાય છે. તેને ચામડીનું કેન્સર થવાની ઘણી શકયતા રહે છે. જોકે તેણે આ સ્થિતને હવે સ્વીકારી લીધી છે. આ રોગ ધરાવતા લોકો સાંભળવાની શકિત પણ બહુ ઝડપથી ગુમાવી દે છે તેમ જ તેમનું સરેરાશ જીવન માત્ર ૩૭ વર્ષનું જ હોય છે.

જોકે એન્ડ્રિયા પોતાનો આ રોગ વધુ ન વકરે એની કાળજી લે છે. તે આખો દિવસ ઘરમાં જ બેસી રહે છે અને રાતે જ ઘરની બહાર નીકળે છે. જો કોઈ દિવસ ડોકટરને મળવા માટે બહાર જવાનું હોય તો સૂર્યના તડકાથી બચી શકાય એવાં કપડાં પહેરે છે. છેલ્લે તેને ઓકટોબર ૨૦૨૦માં કેન્સર થયું હતું, જેમાંથી બચવા માટે તેની ઘણી સર્જરી પણ કરવામાં આવી હતી.

(3:00 pm IST)
  • રાજકોટ માર્કેટીંગ યાર્ડમાં કોરોનાનો રાફડો : ૧૦ કેસ : આવક બંધ કરી દેવાઈ : રાજકોટ માર્કેટીંગ યાર્ડમાં કોરોનાના ઍકસાથે ૧૦ કેસ આવતા નવી આવક સંપૂર્ણપણે બંધ કરી દેવામાં આવી છે : અગાઉના પડતર માલનો નિકાલ કરીને કામકાજ ચાલુ રાખવુ કે બંધ રાખવુ તે અંગે સત્તાધીશો વિચારણા કરી રહ્નાનું જાણવા મળે છે access_time 11:22 am IST

  • સુરત મહાનગરપાલિકાના એક્ઝિક્યુટિવ એન્જિનિયર હિતેન્દ્ર સુથારનું કોરોનાથી નિધન : સુરત મહાનગરપાલિકાના કર્મચારીનું પણ કોરોનાને કારણે મોત થયાના સમાચાર મળ્યાં છે. મનપા કર્મચારી હિતેન્દ્ર સુથાર જેઓ એક્ઝિક્યુટિવ એન્જિનિયર તરીકે ફરજ બજાવતા હતા તેમનું પણ આજે નિધન થયું હતું. સુરતમાં કોરોનાનો કહેર વધી રહ્યો છે તે પરિસ્થિતિની સાબિતી આ સમાચાર આપી રહ્યાં છે. access_time 1:40 pm IST

  • અમેરિકાનું ઐતિહાસિક પગલું : 11 સપ્ટેમ્બર સુધીમાં કોઈપણ શરતો વિના અફઘાનિસ્તાનથી તમામ યુએસ સૈનિકો પરત ખેંચવાનું જાહેર કરતા રાષ્ટ્રપતિ જો બાયડન : અમેરિકાએ, સૈનિકોને પરત લાવવા દરમ્યાન કોઈપણ હુમલા અંગે આતંકી તાલિબાનને 'ભયાનક પ્રતિસાદ' આપવાની ચેતવણી આપી : સૈનિકોને અફઘાનિસ્તાનથી અમેરિકા પરત લાવવા બાબતે બુધવારે રાષ્ટ્રપતિ બાયડન સંબોધન કરશે તેમ વ્હાઇટ હાઉસ પ્રવક્તાએ જણાવ્યું છે. access_time 11:18 pm IST