News of Tuesday, 13th February 2018

સારવાર માટે વિદેશીઓમાં મનપસંદ બની રહ્યું છે ભારત

નવી દિલ્હી તા.૧૩: મેડિકલ સવલતોનો લાભ લેવા માટે વિદેશીઓ પણ ભારત તરફ આકર્ષાઇ રહ્યા છે. એક મેડિકલ અસોસિએશનના આંકડા મુજબ ૨૦૧૬માં ૧૬૭૮ પાકિસ્તાનીઓ અને ૨૯૬ અમેરિકન્સ સહિત કુલ બે લાખ વિદેશીઓને ભારત આવીને મેડિકલ સારવાર કરાવી છે ગૃહમંત્રાલયના આંકડાઓ મુજબ ૨૦૧૫માં ૫૪ દેશોમાંથી ૨,૦૧,૦૯૯ નાગરિકોને ખાસ મેડિકલ વીઝા આપવામાં આવ્યા હતા. ભારત ૨૦૧૪ થી વીઝાનીતિમાં ઉદાર બન્યું છે અને હવે ભારતમાં મેડિકલ ટૂરિઝમ માટે આવનારા લોકોની સંખ્યા પણ વધી રહી છે. એક અંદાજ મુજબ ભારતમાં મેડિકલ ટૂરિઝમનું માર્કેટ હાલમાં ત્રણ અબજ ડોલર એટલે કે ૧૯૩ અબજ રૂપિયાનું છે જે ૨૦૨૦માં વધીને સાતથી આઠ અબજ ડોલર એટલે કે લગભગ ૫૧૦ અબજ રૂપિયા જેટલું થઇ શકે છે. ૨૦૧૬માં બંગલા દેશ, અફઘાનિસ્તાન, ઇરાક, ઓમાન, ઉઝબેકિસ્તાન, નાઇજીરિયા જેવા દેશોમાંથી સૌથી વધુ લોકો સારવાર અર્થે આવ્યા હતા. હવે અમેરિકા, બ્રિટન, રશિયા અને ઓસ્ટ્રેલિયાના નાગરિકો પણ મેડિકલ વીઝા પર ભારત આવી રહ્યા છે.

(12:55 pm IST)
  • ‘બિગ બોસ 11’ની વિનર શિલ્પા શિંદે ફરી એકવાર ચર્ચામાં આવી છે. મીડિયા રિપોર્ટ્સ અનુસાર તેણે ‘ભાભી જી ઘર પર હૈ’ના પ્રોડ્યૂસર સામે કરેલો યૌન શોષણનો કેસ પાછો ખેંચી લીધો છે. તેણે ગત વર્ષે માર્ચમાં આ કેસ નોંધાવ્યો હતો. એક વેબસાઈટને આપેલા નિવેદન અનુસાર, શિલ્પાનું કહેવું છે કે, શોમાં મારા જે પૈસા બાકી હતા તે મને મળી ગયા છે એટલે હવે કેસ આગળ વધારીને કોઈ ફાયદો નથી. access_time 1:31 am IST

  • અંદામાન ટાપુઓ ઉપર ૫.૬નો મોટો ભૂકંપઃ કેન્દ્રબિન્દુ જમીનથી ૧૦ કિ.મી. નીચે છે access_time 11:38 am IST

  • યુનોની સુરક્ષા સમિતિએ (યુએનએસસીએ) ત્રાસવાદી સંસ્થાઓ ઉપરના પ્રતિબંધોને મંજૂરીની મહોર મારી: અલ કાઈદા, તેહરી કે તાલીબાન પાકિસ્તાન, લશ્કર એ જહાન્વી, જમાત - ઉદ્દ - દવા (જેયુડી), ફલાહ - એ - ઈન્સાનીયત ફાઉન્ડેશન (એફઆઈએફ), લશ્કર-એ-તૈયબા (એલઈટી) અને બીજા ત્રાસવાદી સંસ્થાઓનો સમાવેશ થાય છે access_time 11:37 am IST