Gujarati News

Gujarati News

News of Tuesday, 13th February 2018

બાળપણમાં ટાઇફોઇડ અને ડેન્ગી થયો હતો? તો નાની ઉંમરે હાર્ટ-અટેકનું રિસ્ક રહેશે

લંડન તા.૧૩: પાંચ-સાત વર્ષની વય સુધીમાં શરીરમાં જે કોઇ રોગો થાય છે એની અસર લાંબા ગાળા સુધી રહે છે. નેધરલેન્ડ્સના નિષ્ણાતાનું કહેવું છે કે બ્રોન્કાઇટિસ, ટ્યુબરકયુલોસિસ, ચિકનપોકસ, ટાઇફોઇડ અને ડેન્ગી જેવાં ઇન્ફેકશનોથી ફેલાતા રોગો નાની ઉંમરે થયા હોય તો પુખ્તાવસ્થામાં નાની ઉંમરે હાર્ટ-અટેક આવવાનું જોખમ વધી જાય છે. સામાન્ય સંજોગોમાં કહેવાય છે કે પુખ્તાવસ્થામાં અનહેલ્ધી લાઇફ-સ્ટાઇલને કારણે હાર્ટને લગતી સમસ્યાઓનું પ્રમાણ વધે છે. જોકે નેધરલેન્ડ્સના એમ્સ્ટરડેમમાં આવેલા એકેડેમિક મેડિકલ સેન્ટરના રિસર્ચરોનું કહેવું છે કે ઇન્ફેકશનને કારણે ફેલાતા ડેન્ગી, ટાઇફોઇડ જેવા રોગોને કારણે બોડીમાં ક્રોનિક સોજો અને લાલાશ રહેવાનું શરૂ થઇ જાય છે. ધીમે-ધીમે રકતવાહિનીઓમાં હળવો સોજો રહેતો હોવાથી રકતવાહિનીઓ સાંકડી અને કડક થઇ જાય છે અને હાર્ટ-અટેકનું જોખમ વધે છે. રિસર્ચરોએ ૫૬ વર્ષથી નાના ૧૫૩ દર્દીઓ જેમને અચાનક જ હાર્ટ-અટેક આવ્યો હતો તેમની હેલ્થનો ડેટા તપાસ્યો હતો. બાળપણમાં અથવા તો કિશોરાવસ્થા દરમ્યાન ગંભીર પ્રકારનું ઇન્ફેકશન થયું હોય એવા દર્દીઓની સંખ્યા એમાં વધારે હતી.

(12:55 pm IST)
  • દુબઈમાં તૈયાર થઈ વિશ્વની સૌથી ઊંચી હોટલ : દુબઈએ વિશ્વની સૌથી ઉંચી હોટલ બનાવી પોતાનો જ રેકોર્ડ તોડ્યો : આ છે હોટલ ગેવોરા. જે વિશ્વની સૌથી ઉંચી હોટલ છે. હોટલની ઉંચાઈ 356 મીટર છે. એટલે કે 1 હજાર 186 ફૂટ. સોનાથી બનેલી હોટલ ગેવોરા 75 માળની છે. જેમાં 528 રૂમો છે. જેમાં 232 ડિલક્સ રૂમ, 265 વન બેડ રૂમ ડિલક્સ રૂમ અને 31 ટુ બેડરૂમ સ્યુટ છે : હોટલ ગેવોરા શેખ ઝાયદ રોડ પર દુબઈ ઈન્ટરનેશનલ ફાયનાન્સ સેક્ટર પાસે આવેલી છે : આ હોટલમાં ચાર રેસ્ટોરન્ટ, ઓપન એર સ્વિમિંગ પૂલ, જાકુઝી અને હેલ્થ ક્લબ પણ છે : આ વિશાળ હોટલમાં 6 લિફ્ટ છે. દરેક લિફ્ટ 26 કિમી પ્રતિ કલાકની સ્પીડે દોડે છે : આ પહેલા પણ વિશ્વની સૌથી ઉંચી હોટલનો રેકોર્ડ દુબઈના નામે જ હતો. હોટલ જે ડબ્લ્યુ મેરિએટ માર્કિસની ઉંચાઈ કરતા હોટલ ગેવોરા ફક્ત એક મીટર ઉંચી છે access_time 9:39 am IST

  • કર્ણાટકમાં ચૂંટણી પ્રચાર માટે પહોંચેલા કેન્દ્રીય પ્રધાન પ્રકાશ જાવડેકરે કોંગ્રેસ અધ્યક્ષ રાહુલ ગાંધી પર નિશાન સાધ્યું હતું. શ્રી જાવડેકરે કહ્યું હતું કે રાહુલ ગાંધી જ્યા ચૂંટણી પ્રચારમાં જાય છે ત્યા કોંગ્રેસની હાર થાય છે. અને ભાજપનો વિજય થાય છે. તેમણે રાહુલ ગાંધીએ મંદિરના દર્શન પર કટાક્ષ કરતા કહ્યુ હતું કે હવે તો કોંગ્રેસની જાહેરાતમાં પણ કેસરિયો રંગ જોવા મળી રહ્યો છે access_time 9:39 am IST

  • કચ્છના દરિયામાંથી વધુ એક પાકિસ્તાની બોટ ઝબ્બેઃ ભારતીય જળ સીમામાંથી પાકિસ્તાનના ૭ માછીમારો સાથે અલ હિલાલ નામની પાકિસ્તાની બોટ કોસ્ટગાર્ડે લીધી છે access_time 3:42 pm IST