Gujarati News

Gujarati News

News of Tuesday, 13th February 2018

ગેસ, અપચાની દવાઓ બની અર્થવ્યવસ્થા માટે ટોનિક

ડિસેમ્બરમાં IIPનો વૃધ્ધિદર ૭.૧ ટકા

નવી દિલ્હી તા. ૧૩ : દેશના ઔદ્યોગિક ઉત્પાદનનો ઇન્ડેકસ (IIP)નો વૃદ્ઘિ દર ડિસેમ્બરમાં ૭.૧ ટકા રહ્યો છે, જે નવેમ્બરના ૮.૪ ટકાથી ઓછો છે. ગત ડિસેમ્બરની સરખામણીએ તે ઘણો વધુ રહ્યો છે. ત્યારે IIP ૨.૪ ટકા હતો. નવેમ્બર અને ડિસેમ્બરના આંકડા તો અલગ છે, પરંતુ તેમાં સૌથી વધુ યોગદાન આપનારા બદલાયા નથી. ગત થોડા મહિનાથી ડાઇજેસ્ટિવ એન્જાઇમ્સ, એન્ટાસિડ્સ અને પ્રોટોન પમ્પ ઇન્હિબિટર્સના ઔદ્યોગિક ઉત્પાદન દરમાં મહત્ત્વનું યોગદાન રહ્યું છે.

ડાઇજેસ્ટિવ એન્જાઇમ્સ, એન્ટાસિડ્સ અને પ્રોટોન પંપ ઇન્હિબિટર્સનો ઉપયોગ ગેસ, બળતરા અને અપચા જેવી સમસ્યાઓ દૂર કરવા માટે કરવામાં આવે છે. તેને આઇટમ ગ્રૂપ ૫માં રાખવામાં આવે છે, જેનું IIP ગ્રોથમાં સકારાત્મક ઉત્પાદન છે.

ડાઇજેસ્ટિવ એન્જાઇમ્સ અને એન્ટાસિડ્સ, જેનો ભાર માત્ર ૦.૨૨ ટકા છે, તેના ગ્રોથમાં ૨.૨૫૨૦ ટકા પોઇન્ટ્સનું યોગદાન છે. તે સિમેન્ટ (૨.૧૬ ટકા) અને વીજળી (૦.૪૦૧૦ ટકા)થી વધુ છે.

આ પહેલી વાર નથી કે, આ આઇટમ ગ્રૂપે IIPને ઉપર ધકેલ્યો છે. ગત થોડા મહિનાથી આ ગ્રૂપનું મહત્ત્વનું યોગદાન રહ્યું છે. નવેમ્બરમાં ગ્રોથમાં તેની ભાગીદારી ૨.૫૪૯૭ ટકા પોઇન્ટ હતી. ઓકટોબરમાં તે ૧.૩૭ ટકા પોઇન્ટ હતો.(૨૧.૮)

(10:41 am IST)
  • અમેરિકી રાષ્ટ્રપતિ ડોનાલ્ડ ટ્રમ્પના દિકરા ડોનાલ્ડ ટ્રમ્પ જુનિયરના પત્ની વેનેસા ટ્રમ્પને સોમવારે સવારે ન્યૂયોર્ક સિટી હોસ્પિટલમાં દાખલ કરવામાં આવ્યા હતા. તેમણે પોતાના પતિના નામે આવેલા અનામી કવરમાં ભેદી સફેદ પાવડર સ્પર્શ કર્યા બાદ સુરક્ષાના ભાગરૂપે તેમને હોસ્પિટલ લઇ જવાયા હતા. ડોકટરી તપાસ બાદ માલુમ પડ્યું છે કે પાવડર જોખમી ન હતો. access_time 4:08 pm IST

  • હવે બેન્કો ડિફોલ્ટર્સની સાપ્તાહિક ધોરણે જાહેરાત કરશે, ૨૩ ફેબુ્રઆરીથી આરંભ : રિઝર્વ બેન્કે નવી સ્ટ્રેસ્ડ એસેટ્સ ફ્રેમવર્કમાં સુધારો કર્યો : SMA તરીકે વર્ગીકૃત્ત જેમાં રૃ. ૫ કરોડ કે તેનાથી વધુ રોકાણ ધરાવતી કંપનીઓનો સમાવેશ થતો હોય તેની ધિરાણ માહિતીનો અહેવાલ CRILCને સોંપવામાં આવશે access_time 2:34 am IST

  • આઈટીના તપાસમાં ધડાકા? : બિટકોઈનમાં મોટાભાગનું રોકાણ બે નંબરી જ છે... : સુરત : બિટકોઈન રોકાણકારોના મોટાભાગના રૂપિયા બે નંબરી હોવાનું આવકવેરાની તપાસમાં ખુલ્યુ : નાણા રોકાણકારો પાસેથી ૩૦ ટકા દંડ વસૂલાશે : ૧૦૦ લોકોના એકાદ કરોડ ડૂબ્યા access_time 4:17 pm IST