Gujarati News

Gujarati News

News of Friday, 12th July 2019

યુએસમાં કિડની રોગ નવમો મુખ્ય રોગ...જેમાં દર્દીના મૃત્યુ થાય છે

અમેરિકામાં કિડનીના રોગોથી લોકોને બચાવવા ટ્રમ્પે કર્યા હૂકમો

અમેરિકા તા.૧૨: બુધવારે અમેરિકાના પ્રમુખ ડોનાલ્ડ ટ્રમ્પે કિડનીના રોગ સંદર્ભે એક ખાસ હુકમ કરી તેની સારવાર, ટ્રાન્સપ્લાન્ટ અને ટ્રાન્સપ્લાન્ટ માટે કિડનીની પર્યાપ્તતા વધારવાના આશયથી એક ખાસ હુકમ કર્યો છે. કિડની રોગથી પીડાતા લાખો લોકો માટે આ હુકમ આશાનું કિરણ બની રહેશે. ત્રણ સ્તરે કિડનીની સંભાળમાં સુધારાની યોજના બનાવાઇ છે. ટ્રાન્સપ્લાન્ટ માટે કિડનીની પર્યાપ્તતા, કિડની રોગ થતાં પૂર્વેની તકેદારીઓ અને આ અંગેના શિક્ષણ થકી ૨૦૩૦ સુધીમાં કિડનીના દર્દમાં ૨૫ ટકા ઘટાડાનું લક્ષ્યાંક રાખવામાં આવ્યુ છે.

હાર્ટ ડિસીઝ અને કેન્સર જેટલી કિડનીના રોગની ગંભીરતા નથી જોવાઇ રહી. પરંતુ ધીમા પગલે આ રોગનો વધારો થઇ રહ્યો છે. અમેરિકામાં કિડની રોગ નવમો એવો રોગ છે જેમાં દર્દીઓના વધુમાં વધુ મૃત્યુ થાય છે. ૩૭ મિલિયન અમેરિકી પુખ્ત લોકો આ રોગનો ભોગ બનેલા છે અને ૧ લાખથી વધુ અમેરિકનો કિડની ટ્રાન્સપ્લાન્ટ માટે રાહ જોઇને બેઠા છે. લોકોના એક મોટા વર્ગને પોતાના આ રોગ વિશે ખબર ન હોય તેવું પણ સામે આવ્યું છે.

(4:01 pm IST)
  • પ૩૯પ શ્રદ્ધાળુઓનો નવો કાફલો રવાના કરાયો : અમરનાથ યાત્રામાં ૧.૪૪ લાખ શ્રદ્ધાળુએ દર્શન કર્યા : પહેલી જુલાઇના દિવસે અમરનાથ યાત્રા શરૂ કરવામાં આવ્યા બાદથી ૧૧ દિનમાં મોટી સંખ્યામાં લોકો પહોંચ્યા access_time 3:13 pm IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • પીએસીનું અધ્યક્ષપદ સંભાળશે કોંગ્રેસના અધીર રંજન ચૌધરી : કોંગ્રેસ લોકસભા પક્ષના નેતા અધિર રંજન ચૌધરી પબ્લિક એકાઉન્ટ કમીટીનું અધ્યક્ષપદ સંભાળી શકે છે access_time 1:13 pm IST