Gujarati News

Gujarati News

News of Friday, 12th July 2019

આ છે 'મોતની ખુરશી', જે કોઈ બેસે છે તે જીવતું નથી બચતું

લંડન, તા.૧૨: શું તમે કયારેય 'મોતની ખુરશી' જોઈ છે? એક એવી ખુરશી કે જેના પર કોઈ વ્યકિત એકવખત બેસી જાય તો જીવતું નથી બચતું. આવી જ એક રહસ્યમય ખુરશી ઈંગ્લેન્ડમાં છે. આ ખુરશીને શાપિત ખુરશી પણ માનવામાં આવે છે.

આ ખુરશીને ઈંગ્લેન્ડના સર્કસ મ્યુઝિયમમાં રાખવામાં આવી છે. એવું પણ જાણવા મળ્યું છે કે આ ખુરશી જમીનથી લગભગ ૬ ફૂટ ઊંચી રાખવામાં આવી છે કારણકે કોઈ ભૂલથી પણ આ ખુરશી પર બેસે નહીં.

એવું કહેવાય છે કે આ રહસ્યમય ખુરશી થોમસ બસ્બી નામના એક વ્યકિતની છે. થોમસને આ ખુરશી એટલી પસંદ હતી કે તે કોઈને પણ આ ખુરશી પર બેસવા નહોતો દેતો. વર્ષ ૧૭૦૨માં આ ખુરશી પર થોમસના સસરા બેસી ગયા અને તેણે નારાજ થઈને સસરાની હત્યા કરી નાખી. પછી કોઈએ આ ખુરશી પર બેસવાની હિંમત કરી નહીં.

એવું કહેવાય છે કે થોમસે મરતી વખતે એવો શ્રાપ આપ્યો હતો કે જે કોઈ વ્યકિત આ ખુરશી પર બેસશે તો તેનું મૃત્યુ થઈ જશે. બીજા વિશ્વયુદ્ઘ દરમિયાન આ ખુરશીને એક પબમાં રાખવામાં આવી અને તેનું નામ હોટ સીટ રાખવામાં આવ્યું. પછી આ ખુરશી પર બેસતા લોકો મરવા લાગ્યા.

અત્યારસુધી અંદાજિત ૬૦ કરતા વધારે લોકો આ ખુરશી પર બેસવાના કારણે તેમનો જીવ ગુમાવી ચૂકયા છે. આજે પણ આ ખુરશીનું રહસ્ય કોઈ જાણી શકયું નથી.

(1:15 pm IST)
  • આકાશમાં આફત :માંડ માંડ બચ્યો 284 લોકોનો જીવ : એયર કેનેડાની ફ્લાઈટનું ઇમરજન્સી લેન્ડિંગ :35 યાત્રીઓ ઘાયલ :એયર કેનેડાની ફ્લાઇટનું હોનોલુલુમાં ઇમરજન્સી લેન્ડિંગ :ટોરેન્ટોથી સિડની જતી ફ્લાઈટ AC 22માં ખરાબ હવામાનને કારણે લેન્ડિંગ ;:વિમાનમાં સવાર 35 લોકોને ઇજા access_time 12:50 am IST

  • પીએસીનું અધ્યક્ષપદ સંભાળશે કોંગ્રેસના અધીર રંજન ચૌધરી : કોંગ્રેસ લોકસભા પક્ષના નેતા અધિર રંજન ચૌધરી પબ્લિક એકાઉન્ટ કમીટીનું અધ્યક્ષપદ સંભાળી શકે છે access_time 1:13 pm IST

  • ગુજરાતની મુલાકાતે પધારેલા હિમાચલ પ્રદેશના મુખ્યમંત્રી જયરામ ઠાકુરે મુખ્યમંત્રી વિજયભાઇ રૂપાણી સાથે શુભેચ્છા મુલાકાત કરી access_time 9:11 pm IST