Gujarati News

આયરલેન્ડના વિકલોવ ટાઉનના એક બીચ પર દર વર્ષે સ્ટ્રિપ એન્ડ ડિપ નામની ઈવેન્ટ થાય છે. આ ઈવેન્ટમાં કેન્સરને માત આપીને જીવી રહેલી મહિલાઓ જોડાય છે. મોટા ભાગે બ્રેસ્ટ કેન્સરને કારણે મહિલાઓના ફિગરમાં ખૂબ જ બદલાવ આવી ગયો હોય છે. કીમોથેરાપી અથવા તો બ્રેસ્ટ-રિમુવલને કારણે પોતાના જ શરીર માટે લઘુતાગ્રંથિ અનુભવતી મહિલાઓનો કોન્ફિડન્સ બિલ્ડ કરવા માટે આ ઈવેન્ટ યોજાય છે. છ વર્ષ પહેલા જ્યારે એની શરૂઆત થયેલી ત્યારે માત્ર ૬૦ મહિલાઓ શરમ-સંકોચ છોડીને બીચ પર કપડા કાઢીને સમુદ્રમાં પડેલી. એ પછી દર વર્ષે મહિલાઓની સંખ્યામાં ઉતરોત્તર વધારો થતો ગયો. ગયા શનિવારે યોજાયેલી સ્ટ્રિપ એન્ડ ડિપ ઈવેન્ટમાં ૨૫૦૫ મહિલાઓએ સાથે કપડા વિના જ સમુદ્ર સ્નાન કરીને ગિનેસ વર્લ્ડ રેકોર્ડ બનાવી દીધો હતો.