Gujarati News

Gujarati News

News of Monday, 12th April 2021

ઇરાનના નાતાન્ઝ પરમાણુ મથક પર અચાનક વીજળી ગુલ થઇ જતા બન્યું ચર્ચાનું કારણ

નવી દિલ્હી: ઇરાનના નાતાન્ઝ પરમાણુ મથક ખાતે રવિવારે સવારે અચાનક વીજળી ગુલ થઈ જતા ગભરાટ ફેલાઈ ગયો હતો. આ સાઈટ પર તે યુરેનિયમ એનરિચમેન્ટ કરવા જઈ રહ્યું હતું ત્યારે જ આ ઘટના બની હતી. કોઈ હુમલાના ભાગરૂપે આમ થયું છે કે કેમ તેની ખાસ્સી ચર્ચા છે. તેમાં કોઇ પણ પ્રકારનું નુકસાન થયું નથી કે કોઇ ખુવારી થઇ નથી. ઈરાનના આ નવા કાર્યક્રમથી સમગ્ર રિજનમાં તંગદિલી વધવાની સંભાવના વ્યક્ત થઈ રહી છે અને આવા સંજોગોમાં આ ઘટના બની છે. પ્રવક્તા બેહરોજ કમલવાંદીએ કહ્યું હતું કે નાતાન્ઝ પરમાણુ પ્રોજેક્ટના યુરેનિયમ સંવર્ધન એકમના વીજળી યુનિટના એક ભાગમાં દુર્ઘટના થઇ હતી. જોકે તેમાં કોઇ નુકસાન નથી. શરૂઆતમાં આ સાઈટને વીજળી પૂરી પાડી રહેલા ઈલેક્ટ્રિક ગ્રિડ ફીડિંગમાં સમસ્યાને કારણે બ્લેકઆઉટ થયું હોવાનું કહેવાયું હતું. આ સિવાય કોઈ માહિતી જાહેર કરાઈ ન હતી. જોકે ઈઝરાયેલના મીડિયામાં એવી વાત વહેતી થઈ હતી કે નતાન્ઝ ફેસિલિટી ખાતે સાઈબર એટેક થયો હતો જેને કારણે બ્લેકઆઉટ થઈ ગયું હતું. જોકે તેમાં પણ કોઈ આધારભૂત સ્રોત આપવામાં આવ્યો ન હતો અને મિલિટરી તથા ઈન્ટેલિજન્સ ઈનપુટને આધારે આમ કહ્યું હતું.

(6:09 pm IST)
  • રાજકોટ શહેર - જિલ્લામાં કોરોનાનો વણથંભ્યો આતંક : આજે સાંજ સુધીમાં રાજકોટ શહેરમાં 405 અને ગ્રામ્યના 70 કેસ સાથે કુલ 475 નવા કોરોના ના કેસ નોંધાયા access_time 7:28 pm IST

  • રાજકોટના ડીસીપી શ્રી મનોહરસિંહજી જાડેજા સહિત ૬૮ પોલીસ કર્મચારીઓને કોરોના પોઝીટીવ આવ્યો છે : તમામની તબિયત સ્થિર અને સારી હોવાનું જાણવા મળે છે : સૌ પત્રકાર મિત્રો અને પોલીસ કર્મચારીઅો પોતાની જવાબદારી સાથે પોતાનું વધુમાં વધુ ધ્યાન રાખે તે હિતાવહ છે access_time 12:02 pm IST

  • મમતા બેનર્જીના પ્રચાર માટે જલપાઇ ગુડીમાં સાંસ્કૃતિક કાર્યક્રમ access_time 3:02 pm IST