Gujarati News

Gujarati News

News of Tuesday, 12th February 2019

ચોર ડરના માર્યા બધું પટપટ બોલી જાય એ માટે પોલીસે તેના ગળામાં છ ફુટનો સાપ ભરાવી દીધો

આરોપી સાચું ઓકી નાખે એ માટે પોલીસો જાતજાતનાં ટોર્ચર કરતા હોય છે. જો કે ઇન્ડોનેશિયાના પપુઆ વિસ્તારની પોલીસે કદાચ અત્યાર સુધીમાં કદી કોઇએ ન કર્યુ હોય એવું ટોર્ચર આરોપી પર કર્યું હતું. આ કરતૂતનો એક વિડીયો તાજેતરમાં સોશ્યલ મીડિયા પર લીક થયો છે. ચોરીની શંકાથી એક યુવકને પોલીસે પકડયો હતો અને તેની પાસેથી ગુનાની કબુલાત કરાવવા અને વિગતો કઢાવવા માટે પોલીસ તેની ઊલટતપાસ કરી રહી હતી. પહેલાં પોલીસ ઘાંટાઘાંટી કરે છે અને પછી એણે છ ફુટ લાંબો અને જાડો સાપ લાવીને રૂમમાં મુકી દીધો. આરોપી ગભરાઇ ગયો એટલે પોલીસે તેને વધુ ડરાવવા માટે સાપ ઉઠાવીને આરોપીના ગળે ભરાવી દીધો. ડરેલો આરોપી આજીજી કરતો હતો અને ઇન્ટરોગેટર પોલીસને મજા પડતી હોવાથી તે અટ્ટહાસ્ય કરતો હતો. આટલેથી અટકવાને બદલે પોલીસે સાપને ગરદનથી પકડીને આરોપીના નાક અને મોંને અડે એટલું નજીક સાપનું મોં લાવી દીધું. જો સાપ કરડશે તો તું પાણી માગવા પણ જીવતો  નહી રહે એવી ધમકીઓ આપીને પોલીસ ડરાવતી રહી અને આરોપી ધ્રુસકે-ધ્રુસકે રડતો પોતે નિર્દોષ છે એવું જ કહેતો રહ્યો. આ વિડિયો પર ચોખવટ કરી છે કે સાપ બિનઝેરી હતો અને આરોપી ડરના માર્યા સાચું કબુલી લે એ માટે તેને માત્ર ડરાવવામાં આવ્યો હતો.

(3:53 pm IST)
  • દિલ્હીમાં કેજરીવાલ દ્વારા વિપક્ષની મહારેલી :મમતા બેનર્જી,ચંદ્રાબાબુ નાયડુ સહિતના દિગજ્જ નેતાઓનો જમાવડો :આપના સંયોજક ગોપાલરાયે કહ્યું કે રેલીમાં મમતા બેનર્જી,ચંદ્રાબાબુ નાયડુ,પૂર્વ પીએમ એચડી દેવગૌડા,ફારુખ અબ્દુલ્લા અને એનસીપીના શરદ પવાર સહિતના વિપક્ષી નેતા ભાગ લેશે access_time 1:06 am IST

  • લોકસભામાં પસાર થયેલું નાગરિકતા સંશોધન બિલ રાજ્યસભામાંરજૂ ન થઇ શક્યું : કોંગ્રેસ સહિત વિરોધ પક્ષોની ભારે ધાંધલ ધમાલ વચ્ચે બિલ રજૂ કરવા માટે કાલે છેલ્લો દિવસ : મણિપુર સહિતના રાજ્યોમાં બિલના વિરોધમાં હિંસક દેખાવો ,કર્ફ્યુ,તથા ઇન્ટરનેટ ઉપર પ્રતિબંધ access_time 6:30 pm IST

  • કેબિનેટ મંત્રી જયેશ રાદડિયાનું પોરબંદર લોકસભા બેઠકથી લડવા મુદ્દે નિવેદન :પક્ષ જેની પસંદગી કરશે તેને ચૂંટણીમાં વિજયી બનાવીશું : રાદડિયા પરિવારના સભ્યને ચૂંટણી લડાવવાની ચર્ચા : જયેશ રાદડિયા કે તેમના ભાઇ લલિત રાદડિયાને ભાજપ ઉતારી શકે છે મેદાનમાં access_time 12:28 am IST