Gujarati News

Gujarati News

News of Wednesday, 11th September 2019

બેન્કની ભૂલથી યુગલના ખાતામાં ૮૬ લાખ રૂપિયા આવ્યા, બન્નેએ ૭૭ લાખ રૂપિયા ખર્ચી નાખ્યા

ન્યુયોર્ક,તા.૧૧: ઘણી વાર બેન્કની ભૂલને કારણે કોઈકના પૈસા કયાંક ટ્રાન્સફર થઈ જતા હોય છે. જોકે આવા કેસમાં ભલે ગમેએટલો જેકપોટ લાગે, એ પૈસાને વાપરવાનો વિચાર ઠીક નથી. જોકે અમેરિકાના પેન્સિલ્વેનિયા રાજયના ર્માન્ટર્સવિલ ટાઉનમાં રહેતા રોબર્ટ અને ટિફની વિલિયમ્સ નામના યુગલે બેન્કની ભૂલનો મસ્ત લાભ લઈ લીધો અને પૈસા વાપરી નાખ્યા. જોકે હવે યુગલ ફસાયું છે. બેન્કે તેમની પર ચોરીનો આરોપ લગાવ્યો છે. વાત એ છે કે કર્મચારીની ભૂલને કારણે તેમના ખાતામાં ૧,૨૦,૦૦૦ ડોલર એટલે કે લગભગ ૮૬ લાખ રૂપિયા ટ્રાન્સફર થઈને આવી ગયા. આ પૈસા જોઈને એ કયાંથી આવ્યા એ વિચારવાને બદલે તેમણે તો ખર્ચો માંડી દીધો. આ પૈસાથી તેમણે એસયુવી, બે કાર અને એક કાર ટ્રેલર ખરીદી લીધું અને તેમના દોસ્તોને લગભગ આઠ-દસ લાખ રૂપિયાની લોન પણ આપી દીધી. જયારે બેન્કે તેમનો સંપર્ક કરીને પૈસા પાછા ટ્રાન્સફર કરવા કહ્યું તો તેમણે તો અકાઉન્ટ ખાલીખમ થઈ ગયો છે એમ કહીને હાથ ઊંચા કરી દીધા. લગભગ ૭૭ લાખ રૂપિયા ખર્ચી નાખ્યા હોવાથી હવે તેઓ બધા પૈસા તો પાછા આપી શકે એમ નથી પણ તેમણે બેન્કને કટકે-કટકે રિપેમેન્ટ કરવાની તેયારી બતાવી છે. જોકે એ પછી બેન્ક દ્વારા કોઈ કાર્યવાહી ન થઈ. બે મહિના બાદ બેન્કે ડાયરેકટ કોર્ટમાં કેસ કરીને બન્નેને ચોરીના આરોપમાં સળિયા પાછળ કરી દીધા. યુગલને જેલમાંથી જમાનત પર છૂટવા માટે પણ ૧૮ લાખ રૂપિયા આપવા પડ્યા. હવે કેટલા વ્યાજ સાથે તેમણે વાપરેલી રકમ પાછી આપવી પડશે એનો ચુકાદો હવે કોર્ટ જ કરશે.

(3:21 pm IST)
  • વડાપ્રધાન શ્રી નરેન્દ્ર મોદીને મળેલી ભેટ સોગાદોથી ડ્રોઈંગ રૂમને સજાવવાની તક : 14 સપ્ટેમ્બરથી 3 ઓક્ટોબર 2019 દરમિયાન 2772 વસ્તુઓની ઓનલાઇન નીલામી : છેલ્લા 6 માસ દરમિયાન મળેલી ચાંદીની તલવાર ,મૂતિઓ , થ્રી ડી ઇમેજ ,સહીત દુર્લભ વસ્તુઓ વધુમાં વધુ કિંમત ચૂકવનારને અપાશે access_time 8:08 pm IST

  • દિલ્હીની સરકારી હોસ્પિટલોમાં VIP માટેની અલગ સુવિધા રદ : તમામ નાગરિકને સમાન આરોગ્ય સેવા મેળવવાનો અધિકાર : મુખ્ય મંત્રી કેજરીવાલની ટ્વીટર ઉપર ઘોષણાં access_time 8:12 pm IST

  • લશ્કરનો ટોપ આતંકી આસિફ ઠારઃકાશ્મીરમાં સુરક્ષાદળોને મોટી સફળતા : કાશ્મીરમાં સુરક્ષા દળોને મોટી સફળતા હાથ લાગી છે : લશ્કરનો ટોપ આતંકી આસિફને ઠાર કરવામાં આવ્યો : સોપોરમાં થયેલા આ એન્કાઉન્ટરમાં બે પોલીસ અધિકારી પણ ઇજા પહોંચી છે જાણવા મળી રહ્યું છે કે આતંકી આસિફ સોપોરમાં અનેક નાપાક ગતિવિધઓમાં સામેલ રહ્યા છે access_time 11:28 am IST