Gujarati News

Gujarati News

News of Monday, 11th February 2019

એક હાથ વિના જન્મેલા યુવકે પોતાના માટે લેગોમાંથી બનાવ્યો નકલી હાથ

લંડન તા.૧૧: સ્પેનમાં ડેવિડ એગ્યુલર નામનો ટીનેજર જન્મ્યો ત્યારથી તેને એક જ હાથ વિકસ્યો હતો. એક હાથનું હાડકું જ વિકસ્યું નહોતું. આ કુદરતી ખામીને તેણે બહુ સહજતાથી સ્વીકારી લીધેલી અને એક હાથે જીવનજરૂરીયાતની તમામ ક્રિયાઓ કરવાની ફાવટ પણ તેણે કેળવેલી. નવ વર્ષનો હતો ત્યારથી તેને લેગો બ્રિકસમાંથી અવનવી આકૃતિઓનું નિર્માણ કરવાની બહુ મજા આવતી હતી. મોટા થયા પછી પણ તેનો લેગો સાથે નવું ક્રીએટ કરવાનો રસ વધતો ચાલ્યો. બાર્સેલોનાની ઇન્ટરનેશનલ યુનિવર્સિટી ઓફ કેટલોનિયામાં તેણે બાયોએન્જિનિયરિંગ વિભાગમાં એડ્મિશન લીધું ત્યારે તેને સપનામાં પણ ખ્યાલ નહોતો કે લેગો માટેનો પ્રેમ તેને હાથ પણ અપાવી શકે છે. બાયોએન્જિનિયરિંગમાં ભણતાં ભણતાં તેેણે પોતાના માટે લેગોની બ્રિકસ વાપરીને હાથ બનાવી દીધો. આ પ્રોસ્થેટિક હેન્ડ પર તેણે પ્રયોગો કર્યા અને એમાં કેટલીક સેન્સિંગ મોટર્સ બેસાડીને તેણે કોણીથી વળી શકે એવો હાથ તૈયાર કરી દીધો છે. ડેવિડનું કહેવું છે કે તેણે બનાવેલી પ્રોસ્થેટિક હેન્ડની ડિઝાઇન ઘણી જ સસ્તી છે એટલે જેમને મોંઘા બાયોલોજિકલ લિમ્બ પ્રોસ્થેટિક તરીકે વાપરવાનું પરવડે એમ ન હોય તેમના માટે આ નકલી હાથ પણ અનેક કામોમાં અસલી જેવું કામ આપશે.(૧.૩)

(10:22 am IST)
  • મહેસાણા :પક્ષ પલટો કરનાર આશા પટેલ વિરુદ્ધ જનઆક્રોશ સભા :ઊંઝા પાલિકા ઉપપ્રમુખ ભવલેશ પટેલ દ્વારા કરાઈ જાહેરાત :ઊંઝાના પૂર્વ spg પ્રમુખ રહી ચૂક્યા છે ભવલેશ પટેલ :આશાબેન પટેલ વિરુદ્ધ કરવામાં આવશે જન આક્રોશ સભા - ભવલેશ પટેલ access_time 9:30 pm IST

  • ર૦૦૩ ના મુંબઇ બોમ્બ બ્લાસ્ટમાં મોતની સજા પામેલા હનીફ સૈયદનું મૃત્યુ : નાગપુર : નાગપુરની સેન્ટ્રલ જેલમાં કેદ ર૦૦૩ ના મુંબઇ બોમ્બ બ્લાસ્ટ કેસમાં મોતની સજા પામેલા ૩ દોષિતોમાંથી એક એવા મોહમ્મદ હનીફ સૈયદ શનિવારે એક હોસ્પીટલમાં મૃત્યુ થયુ હતું. સૈયદ, તેની પત્ની ફહમીદા અને ત્રીજા કાવતારા ખોર અશરત અંસારીને પોટા કોર્ટે ર૦૦૯ માં બોમ્બ બ્લાસ્ટ માટે કસૂરવાર ઠેરવ્યા હતાં. આ બ્લાસ્ટરમાં પર લોકો માર્યા ગયા હતાં. access_time 3:42 pm IST

  • રાજસ્થાનમાં ગુર્જર આંદોલન હિંસક બન્યું :ધૌલપુરમાં પોલીસ પર પથ્થરમારો :પોલીસની ગાડીઓમાં આગ લગાડાઇ :ભરતપુર જિલ્લાના ધૌલપુરમાં પ્રદર્શકારીઓ અને પોલીસ વચ્ચે ઘર્ષણ :પોલીસ પાર પથ્થરમારો કરાયો :ગાડીઓ પણ સળગાવી access_time 1:26 am IST