Gujarati News

Gujarati News

News of Monday, 11th January 2021

ફાઇઝરની વેક્સીન લીધા બાદ વધુ એક ડોકટરે પોતાનો જીવ ગુમાવ્યો:16 દિવસ બાદ જીવ ગુમાવવાની નોબત આવી

નવી દિલ્હી: વૈશ્વીક કોરોના વાયરસના કહેરથી બચવા માટે અનેક દેશોમાં વેક્સિનેશન અભિયાન ચલાવવામાં આવી રહ્યું છે. દરમિયાન અમેરિકામાં કોવિડ વેક્સિન મુકાયા બાદ વધુ એક ડોક્ટરનું મોત નિપજ્યાનું બહાર આવ્યું છે. અમેરિકાના મિયામી શહેરમાં 56 વર્ષીય ગ્રેગરી માઈકરનું ફાઈઝરની કોરોના વેક્સિન મુકાયાના 16 દિવસ બાદ મોત થયું છે. ડોક્ટર ગ્રેગની પત્ની હેઈદીનેકેલમાને કહ્યું કે 18 ડિસેમ્બરે તેના પતિને કોરોના વેક્સિન મુકાઈ તે પહેલાં તેઓ એકદમ સ્વસ્થ હતા.

           ડો.ગ્રેગરીને અચાનકથી રોગ પ્રતિકારક ક્ષમતા સાથે જોડાયેલી દુર્લભ બીમારી થયા બાદ હાર્ટએટેકથી તેનું મોત થઈ ગયું હતું. ડો.ગ્રેગરીની પત્નીનું માનવું છે કે ફાઈઝરની કોરોના વેક્સિને ક્યાંકને ક્યાંક આ બીમારીને પેદા કરી છે. તેમણે કહ્યું કે મારું માનવું છે કે ડો.ગ્રેગરીની મોતનો સીધો સંબંધ વેક્સિન સાથે છે. તેમના મોત પાછળ બીજું કોઈ જ કારણ હોઈ શકે નહીં. વેક્સિન લાગ્યા બાદ મારા પતિના લોહીમાં રહસ્યમય ગરબડ આવી ગઈ હતી.

(5:15 pm IST)
  • વિરાટ કોહલી પિતા બન્યાઃ પત્ની અનુષ્કા શર્માએ પુત્રીને જન્મ આપ્યો : ભારતીય ક્રિકેટ ટીમના કેપ્ટન વિરાટ કોહલી પિતા બન્યા છે. તેમના પત્ની અને ફિલ્મ અભિનેત્રી અનુષ્કા શર્માએ પુત્રીને જન્મ આપ્યો છે. લક્ષ્મીજીના આગમનથી પરિવારમાં ઉત્સાહ છવાયો છે. access_time 4:44 pm IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 12,447 કેસ નોંધાયા :કુલ કેસની સંખ્યા 1,04,79,879 થઇ :એક્ટિવ કેસ 2,13,546 થયા: વધુ 18,502 દર્દીઓ સ્વસ્થ થતા કુલ 1,01 ,10,634 થયા :વધુ 166 લોકોના મોત સાથે કુલ મૃત્યુઆંક 1,51,364 થયો access_time 1:00 am IST

  • ગુજરાતમાં બર્ડ ફ્લૂની એન્ટ્રી થતા તંત્ર અલર્ટઃ કાંકરિયા પ્રાણી સંગ્રહાલયમાં પક્ષી વિભાગને બર્ડ ફ્લૂની સંભિવત અસરને જોતા બંધ કરવાનો નિર્ણય લેવાયો, કાંકરિયા પક્ષી વિભાગમાં 1200થી વધુ પક્ષીઓ ઉપસ્થિત access_time 4:49 pm IST