Gujarati News

મુંબઇ, તા. ૧૦ : બ્રાઝીલના મેલેરિયા ટાઉનમાં માર્લી અને પાઉલો નામના એક ખેડૂત દંપતિના ખેતરમાં માણસના પગના પંજા જેવું દેખાતું બટાટું ઉગ્યું છે. આ બટાટામાં પગના પંજાની આંગળીઓ પણ દેખાય છે. અંગૂઠાથી માંડીને આંગળીઓની સાઇઝ પણ પંજા જેવી જ લાગે છે. હા, એમાં માણસના પંજા કરતા વધુ એક આંગળી છે. નવાઇની વાત એ છે કે પંજાના શેપની સાથે એની હાઇટ પણ લગભગ ઘૂંટણ સુધી પહોંચે  એવી છે. માર્લી અને પાઉલો માત્ર પોતાના ઘરની જરૂરીયાત પૂરતા શાકભાજી ઘરની પાછળના ખેતરમાં ઉગાડે છે. લગભગ છ વર્ષથી તેઓ શાક ઉગાડે છે પણ કદી તેમને આવા શેપ અને સાઇઝનું બટાટું જોવા નથી મળ્યું. યુગલનું કહેવું છે કે આ બટાટું તેઓ વાપરશે નહીં, બલકે લકોોને જોવા માટે એ સાચવી રાખશે.