Gujarati News

Gujarati News

News of Friday, 10th August 2018

પાણીનું ટેન્કર જોઇને ૧૩૦૦ તરસી ગાયો દોડી આવી

સીડની તા ૧૦ ઓસ્ટ્રેલિયાનો ન્યુ સાઉથ વેલ્સ વિસ્તાર ૧૦૦ ટકા  દુકાળથી ગ્રસ્ત છે. આ દુકાળ એટલો કારમો છે કે સ્થાનિક લોકોને પાણી માટે સેંકડો  કિલોમીટર સુધી ટ્રવેલ કરવું પડે છે. ખાસ કરીને પાળેલા પ્રાણીઓ માટે પીવાનું પાણી ખુટી પડયું છે. ન્યુ સાઉથ વેલ્સમાં એમ્બરલીઆ નામની મહિલા ખેડુતના ફાર્મમાં ૧૩૦૦ ગાયો છે. એમ્બરનું કહેવું છે કે તેની આસપાસના તમામ જળાશયો સુકાઇ ગયા છે અનેપોતાની આ ગાયો તરસી મરી રહી  છે. હાલમાં રોજ એમ્બર ૭૦ કિલોમીટર દુરથી ટેન્કર ભરીને ગાયો માટે પાણી લાવે છે. તેણે ડ્રોનથી આ દ્રશ્યની વિડીયો-કિલપ  ઉતારી છે. ગાયો એટલી તરસી હોય છે કે જેવું ફામ ર્માં ટેન્કર આવે એટલે પાણી પીવા એ તરફ દોડે છે. જો તે રોજ ૧ લાખ લિટર પાણી લાવે તો જ આટલી ગાયોને જિવાડવા પૂરતું પીવાનું પાણી મળી રહે. નદી અને જળાશયો સુકાઇ ગયા હોવાથી પાણીનો સપ્લાય ખોરવાયો છે. એમ્બર અત્યારે ૭૦ કિલોમીટર દુરથી પાણી  ભરી લાવે છે, પરંતુ જે જગ્યાએથી તે પાણી લાવે છે ત્યાં પણ પાણીનો જથ્થો ઘણો સિમીત છે. તેણે તાજેતરમાં ડ્રોનથી લીધેલ વિડીયો પોતાના ફેેસબુક એકાઉન્ટ પર શેર કરીને દુકાળની સ્થિતીનો ચિતાર આપ્યો હતો.મેલબર્ન યુનિવર્સિટીના અભ્યાસ પ્રમાણે ન્યુ સાઉથ વેલ્સ  રાજય ૪૦૦ વર્ષના સોૈથી ભયાનક દુકાળનો સામનો કરી રહ્યું છે.

(3:36 pm IST)
  • બ્રિટિશ ઍરલાયન્સ પર ભડક્યા ઋષિકપુર ; ફેન્સને કહ્યું આઍરલાયન્સમાં ક્યારેય યાત્રા ના કરો : તેને બ્રિટિશ ઍરલાયન્સને રંગભેદી પણ ગણાવ્યું: બર્લિનમાં બાળકોની ઘટના સાંભળીને આઘાત લાગ્યો : મારી સાથે એકવાર નહીં બે વાર અભદ્ર વ્યવહાર થયો access_time 1:04 am IST

  • વડોદરામાં ચાંદીનો મોટો જથ્થો પકડાયો :નવાપુરા પોલીસે પકડયો જથ્થો :100 કિલો ચાંદીનો જથ્થો: કારમાં ચાંદી લઈને જતા બે શખ્સોની પોલીસે કરી અટકાયત :બંને શખ્સોની પુછપરછ : મોટી માત્રામાં ચાંદીનો જથ્થો પકડાતા વિવિધ એજન્સી કામે લાગી access_time 10:48 pm IST

  • અમદાવાદ:રાજ્યમાં કેફી-માદક પદાર્થો પકડવા ડ્રાઈવ રાખવા ડીજીપીનો આદેશ:ડીજીપીએ એ.ટી.એસ.ને કર્યો આદેશ : ડીજીપી દ્વારા ખાસ એક્શન પ્લાન તૈયાર કરાયો : રાજ્યભરમાં માદક પ્રદાર્થોને ઝડપી પાડવા હુકમ access_time 7:32 pm IST