Gujarati News

Gujarati News

News of Saturday, 9th November 2019

દીકરાને ગણિતનો દાખલો સમજાવતા મમ્મીને હાર્ટઅટેક આવી ગયો

બીજીંગ તા. ૯ :.. જેમને માટે ગણિત ગમતીલો વિષય ન હોય તેને દાખલા સોલ્વ કરવાનું માથાના દુખાવા સમાન લાગે, પણ ગણિતને લીધે કોઇને હાર્ટ-અટેક આવે એ તો માન્યામાં ન આવે એવી વાત છે. બાળકોને ભણાવવું એ આમ પણ ઘણું કપરું કામ છે અને એમાં પણ જો કોઇ એક વાત તેના ભેજામાં ઊતરી જ ન રહી હોય તો શીખવનારનો પારો ઊંચે ચડે એમાં બેમત નથી. જો કે ચીનમાં વેન્ગ નામની મહિલા તેના ૯ વર્ષના પુત્રને ગણિતનો એક દાખલો સમજાવી રહી હતી, પણ દીકરાના ભેજામાં દાખલો બેસતો જ નહોતો. દાખલો સમજાવતી વખતે વેન્ગ એટલી બધી ઉશ્કેરાઇ ગઇ કે તેને છાતીમાં દુખવા માંડયું. વેન્ગને તરત જ ખ્યાલ આવી ગયો કે પોતાને કોઇ ગંભીર તકલીફ થઇ રહી છે. તેણે તરત જ પતિને ફોન કરીને બોલાવી લીધો. પતિ વેન્ગને હોસ્પિટલ લઇ ગયો, તેને હાર્ટ-અટેક આવ્યો હોવાનું નિદાન થયંુ હતું. ડોકટરોએ કહયું કે જો જરાય મોડું થયું હોત તો હાર્ટ-ફેલ્યરનું જોખમ હતું.

એ યાદ રાખવું ઘટે કે નિષ્ફળતાને પગલે સર્જાતી હતાશા કે નિરાશા અને ગુસ્સો હાર્ટ-અટેકનું કારણ બની શકે છે.

(3:28 pm IST)
  • ગોંડલ - જેતપુર નેશનલ હાઇવે પર અકસ્માત.:ચોરડી પાસેની ગોળાઈમાં આઇસર પલ્ટી ખાઈ ગયું : કોઈ જાનહાની નથી : ચોરડી પાસેની ગોળાઈમાં મસ મોટા ખાડા અને હાઇવેની લાઈટો બંધ હોવાથી આઇસર પલ્ટી માર્યું : આઇસર પલટી મારતા એક સાઈડનો રોડ વનવે થતા ટ્રાફિક જામ access_time 10:26 pm IST

  • સુપ્રીમકોર્ટે સર્વસંમતિથી ચુકાદો આપ્યો છે : ચીફ જસ્ટિઝ કહ્યું કે બાબરના સમયમાં મીર બાકીએ મસ્જિદ બનાવી હતી : ખોદકામ દરમિયાન મળેલ ઢાંચો બિન ઇસ્લામિક હતો : સુપ્રીમકોર્ટ :અયોધ્યા કેસમાં નિર્મોહી અખાડાનો દાવો રદ કરી નાખવામાં આવ્યો છે : મસ્જિદ કયારે બનાવામાં આવી તે ખબર પડતી નથી : સર્વસંમતિથી સુપ્રીમકોર્ટના જજોએ ચુકાદો આપ્યો છે : તમામ ધર્મોને સમાન નજરથી જોવાનું સરકારનું કામ નથી access_time 11:03 am IST

  • સુપ્રિમ કોર્ટના નિર્ણય બાદ મુસ્લિમ પર્સનલ લો બોર્ડની પત્રકાર પરિષદ : વકીલો સાથે વાત કરીને આગળની રણનીતિ ઘડાશે : સુપ્રિમ કોર્ટના નિર્ણયનું સંપૂર્ણ સન્માન અમે કરીએ છીએ : મુસ્લિમ પર્સનલ લો બોર્ડ ચુકાદાથી સંતુષ્ટ નથી : કોઈપણ પ્રકારના ધરણા કે પ્રદર્શન કરીશુ નહિં : અમને ન્યાય મળ્યો નથીઃ અમે અપીલ કરીએ છીએ કે કોઈપણ પ્રદર્શન કરે નહિં: રીવ્યુ પીટીશન દાખલ કરવા વિચાર કરાશેઃ મસ્જીદને શીફટ કરી શકાય નહિં : ચુકાદામાં કેટલાક વિરોધાભાસ જોવા મળ્યો છે access_time 1:07 pm IST