Gujarati News

નવી દિલ્હી, તા.૯:આધુનિક જીવનશૈલીને કારણે તો હવે નાની ઉંમરમાં લોકોને વાળ ધોળા થઈ જાય છે અને મોં પર કરચલી પડવા માંડે છે. પરંતુ તાજેતરમાં ઈન્ટરનેટ પર એક એવી સુંદર મહિલાનો ફોટો વાયરલ થયો છે જેનો ફોટો જોઈને તેની ઉંમરનો અંદાજ માંડવો લગભગ અશકય છે. આટલું જ નહિ, તે ૪૦ વર્ષની હતી ત્યારે તેને બ્રેસ્ટ કેન્સરનું નિદાન થયું હતું. એ જ સમયે તેને અહેસાસ થયો કે પોતાની જાતની કાળજી રાખવી કેટલી જરૂરી છે. આજે ૫૦ વર્ષની લિસા હાર્ટ દ્યણા લોકો માટે પ્રેરણા સ્રેત બની ગઈ છે. તેને ૧૮ અને ૧૬ વર્ષના બે બાળકો પણ છે. પરંતુ તેને જોઈને કોઈને લાગે નહિ કે તે બે બાળકોની માતા હશે.

લિસા જણાવે છે, 'કેન્સર પછી મેં રોજ ગાર્ડનમાં ૧ કલાક ચાલવા જવાનું શરૂ કર્યું. હું ઘાસ પર ઉઘાડા પગે પાંચ મિનિટ ઊભી રહુ છું અને ધ્યાન ધરુ છું. હું પિલાટેસ, યોગ અને સ્વિમિંગ પણ નિયમિત કરુ છું. હું હવે કુદરતથી વધુ નજીક આવી ગઈ છું. આ પ્રક્રિયા ખૂબ જ રિલેકિસંગ છે. ઉંમર પ્રમાણે લિસાની સ્કિન ઘણી સારી છે.

લિસા પહેલા ફેશન ઈન્ડસ્ટ્રીમાં પી.આર તરીકે જોબ કરતી હતી. ત્યારે તે ખૂબ જ વ્યસ્ત રહેતી હતી પરંતુ તેણે એક દિવસ પોતાની જાતને સવાલ પૂછ્યો- શું આ મારા જીવનને સુધારી રહી છે. લિસા બધાને જ સલાહ આપે છે કે તમારે જે ન કરવું હોય તેના માટે તમારો સમય બરબાદ ન કરો. તે કહે છે, 'મેં ૪૧ વર્ષે મારી કારકિર્દી બદલીને આર્ટ ટીચર બનવાનો નિર્ણય કર્યો. મને હંમેશાથી પેઈન્ટિંગ પસંદ હતુ. બાળકોને મદદ કરીને પણ સંતોષ થાય છે.'