Gujarati News

Gujarati News

News of Saturday, 9th June 2018

૪૭૦ કરોડમાં વેચાઇ ૧૯૬૩માં બનેલી આ ફેરારી

ન્યુયોર્ક તા.૯: જુજ માત્રમાં બનેલી કેટલીક જુની ચીજો કેટલી મોંઘી જણસ બની જશે એનો કોઇ અંદાજ લગાવાઇ શકાય એવું રહયું નથી. તાજેતરમાં અમેરિકામાં જીટીઓ કાર ૭૦ મિલીયન ડોલરમાં વેચાઇ.રૂપિયામાં કન્વર્ટ કરીએ તો અધધધ ૪૭૦ કરોડ રૂપિયા થાય. કહેવાય છે કે આ સિરીઝની માત્ર ૩૬ જ કાર બનાવવામાં આવેલી. જર્મન કાર-કલેકટર ડેવિડ મેકનીલે આ કાર વેચી હતી જે એક પ્રાઇવેટ ડીલથી વેચાઇ હતી. હિસ્ટોરિયન અને ફેરારી-એકસપર્ટ માર્કલ મેસિનીની હાજરીમાં આ ડીલ થઇ હતી.

આ પહેલાં સોૈથી મોંઘી કારનું વેચાણ ૨૦૧૩માં થયેલું અને કાર બાવન મિલ્યન ડોલરમાં વેચાઇ હતી. એ વખતની ડોલરની કિંમતની સરખામણીમાં તાજેતરમાં થયેલી ડીલ લગભગ બમણી છે. માર્કલ્ મેસિનીનું કહેવું છે કે આગામી બે-પાંચ વર્ષમાં ફેરારીની આવી કાર ૧૦૦ મિલ્યન ડોલરમાં એટલે કે હાલના લગભગ ૬૭૬ કરોડ રૂપિયા સુધીમાં વેચાશે. (૧.૫)

(4:08 pm IST)
  • ઉત્તરપ્રદેશનાં 11 જિલ્લામાં તોફાનનાં કારણે 26 લોકોનાં મોત નિપજ્યા છે. જ્યારે 4 જાનવરોનાં પણ મોત નિપજ્યા છે. મુખ્યમંત્રી યોગીઆદિત્યનાથે સંબંધિત જિલ્લા મેજીસ્ટ્રેટોને પ્રભાવિત લોકોને રાહત આપવા માટેનાં નિર્દેશ આપ્યા છે. શનિવારે મુંબઇનાં કેટલાક હિસ્સાઓમાં ભારે વરસાદ થયો હતો જેનાં કારણે માયાનગરીની ગતિ અટકી ગઇ હતી. શહેરનાં કેટલાક હિસ્સાઓમાં પાણી ભરાઇ ગયું હતું. મુંબઇ નજીકના ઠાણેમાં વરસાદ સંબંધિત ઘટનાઓમાં 2 લોકોનાં મોત નિપજ્યા હોવાની માહિતી હતી. access_time 2:39 am IST

  • રૂપાણી સરકારનું વિસ્તરણ નહિં થાય : લોકસભાની ચૂંટણીની તૈયારીમાં લાગી જવા આહવાન : લોકસભા ચૂંટણી પર જરૂર જણાશે તો થશે વિસ્તરણ : હાલ નહિં થાય રૂપાણી મંત્રીમંડળનું વિસ્તરણ : કર્ણાટક ચૂંટણી બાદ હતી વિસ્તરણની આશા : હાલ વિસ્તરણ ન કરવાનો ભાજપનો નિર્ણય : લોકસભાની તૈયારીઓમાં લાગી જવા આહવાન access_time 4:01 pm IST

  • તાજેતરમાં દક્ષિણ આફ્રિકામાં પીટર મેરિત્સબર્ગ રેલવે સ્ટેશ પર મુકવામાં આવેલા રાષ્ટ્રપિતા ગાંધીજીના બે ચહેરાવાળા પુતળાને લઈને ભારે વિવાદ થયો છે. આ પુતળું "મોહન થી મહાત્મા" ની સફરને ઉજાગર કરે છે. દક્ષિણ આફ્રિકામાં ભારતીય હાઇકમિશનરે પુતળાનેને અજાયબી ગણાવી છે, તો બીજી બાજુ ગાંધીજીના પ્રપૌત્ર તુષાર ગાંધીએ ટ્વિટ દ્વારા રોષ ઠાલવ્યો હતો કે "બે ચહેરાઓ, નોનસેન્સ! તોડી નાખવું જોઇએ." access_time 10:47 am IST