Gujarati News

Gujarati News

News of Saturday, 9th June 2018

OMG ! દરિયાઇ જીવ ખાવા જતાં મહિલાની જીભ 'ગર્ભવતી' બની

સીઓલ તા. ૯ : એક આઘાતજનક અને વિચિત્ર ઘટનામાં ૬૩ વર્ષીય મહિલાની જીભ એક દરિયાઇ જીવ આરોગ્યા બાદ 'ગર્ભવતી' બની ગઇ છે. આ પ્રાણીનું વીર્ય મહિલાના મોઢામાં રહી જતાં તેની જીભમાં વિચિત્ર પ્રકારની ગરબડ ઊભી થઇ હતી અને તેને દુખાવો ઉપડ્યો હતો. સાઉથ કોરિયાની મહિલાના મોઢામાં આ પ્રાણીએ વીર્ય છોડી દેતાં તેને દુખાવો ઉપડ્યો હતો અને તેને હોસ્પિટલમાં લઇ જવાઇ હતી. તપાસ બાદ ડોકટરોને એ જાણીને આઘાત લાગ્યો કે તેમની જીભ અને પેઢામાં ૧૨ નાના, સફેદ રેટિંયાના આકારના બગ જેવા વીર્ય બેગ્સ મળી આવ્યા હતા.

આ વસ્તુને સ્કિવડ સ્પર્મેટોફોર્સ તરીકે ઓળખવામાં આવી છે, જે વીર્ય ધરાવતાં કેપ્સ્યુલ્સ છે અને આ વિચિત્ર કેસ જર્નલ ઓફ પેરાસિટોલોજીમાં પ્રકાશિત કરાયો છે. જર્નલમાં રિપોર્ટમાં જણાવાયું છે કે મહિલાએ તે પ્રાણીના આંતરિક ભાગોને દૂર કર્યા ન હતા અને તેને ખાધા પહેલા સહેજ બાફી નાખી હતી. એ દરમિયાન સ્પર્મેટોફોર્સ જીવિત અને સારી સ્થિતિમાં હતા.

 તેણે જેવો જ એક ટુકડો મોઢામાં મુકયો તે તરત જ તેને એવું લાગ્યું કે ઘણાં 'બગ્સ' તેની જીભને કરડી રહ્યા છે અને તેને તરત દુખાવો થવા લાગ્યો હતો. દુખાવો થતાં જ મહિલાએ ટુકડાને ગળવાને બદલે થૂંકી નાખી હતી. જોકે રિસર્ચર્સનું કહેવું છે કે સ્પર્મેટોફર્સ કેવીરીતે મહિલાના મોઢામાં તેમની જાતને ઇમ્પ્લાન્ટ કરી શકયા તે અંગે ખાતરીપૂર્વક કઇ કહી શકતા નથી. જોકે આ ઘટનાથી તેઓ પણ ઘણાં આઘાત અને આશ્ચર્યમાં છે.(૨૧.૩)

(9:55 am IST)
  • શનિવારે પેટ્રોલમાં લીટરે 40 પૈસા અને ડીઝલમાં 40થી 45 પૈસાનો મોટો ઘટાડો થવાની શકયતા:સતત 11માં દિવસે પેટ્રોલ ડીઝલમાં ભાવ ઘટશે:અત્યાર સુધીમાં સૌથી મોટો ઘટાડો થશે :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,33 રૂપિયા અને ડીઝલનો ભાવ લિટરે 73,42 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 11:25 pm IST

  • અમદાવાદ : સીએમએસ ઇન્ફોસિસ્ટમ લિમિટેડના કર્મચારીએ 1 કરોડ 39 લાખની કરી ઉચાપત : કંપની શહેરમાં એટીએમ મશીનમાં નાણાં લોડ કરવાનું કામ કરે છે, જેમાં આરોપી પુર્વિશ ચૌધરી કસ્ટોડિયન તરીકે નોકરી કરતો હતો : ઓડિટ સમયે વાહનમાં પંચર થયું હોવાનું બહાનું કરી આરોપી થઇ ગયો ફરાર access_time 12:43 pm IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST