Gujarati News

Gujarati News

News of Friday, 9th April 2021

વરરાજા શોટસ પહેરીને પરણવા બેસી ગયા

જાકાર્તા, તા.૯: કોઈ પણ પ્રકારની ઇમર્જન્સી કે અર્જન્સી હોય તો પણ કોઈ પ્રસંગમાં જતાં જરા ઠીકઠાક કપડાં પહેરવાની અને તૈયાર થવાની તકેદારી તો માણસ રાખેજ ને, પણ ઇન્ડોનેશિયાના એક ભાઈ પોતાનાં જ લગ્નમાં ફકત શોર્ટ્સ પહેરીને બેસી ગયા હતા. એ તસવીર સોશ્યલ નેટવર્કિંગ સાઇટ ટ્વિટર દ્વારા વાઇરલ થઈ છે.

સુપ્રાપ્તો નામનો વર એલિન્દા ક્રિસ્ટિયાનીને પરણ્યો એ ઘટના લાખો લોકો માટે અચરજનો વિષય બની છે. એલિન્દાએ જણાવ્યું કે 'લગ્નના ચાર દિવસ પહેલાં મારો પતિ પેટ્રોલ ખરીદવા ગયો ત્યારે મોટરસાઇકલ પરથી પડી ગયો હતો. એમાં તેણે ઓપરેશન કરાવવું પડ્યું હતું એટલે તે આખો વેડિંગ ડ્રેસ પહેરી શકે એવી સ્થિતિમાં નહોતો.' આ લગ્ન પૂર્વ જાવામાં એલિન્દાના નિવાસસ્થાને યોજાયાં હતાં. ટ્વિટર પર વરરાજાની આ વિચિત્ર ઘટનાની તસવીરોને ૧૪,૫૦૦ લાઇકસ મળી છે અને એની ૨૫૦૦ રીટ્વીટ્સ નોંધાઈ છે.

(3:00 pm IST)
  • વડોદરાના અતલાદરા ખાતે બીએપીએસ મંદિરના મધ્યસ્થ ખંડમાં ૫૦૦ બેડનું કોવિડ સેન્ટર શરૂ કરવામાં આવશે : તંત્રને સભાગૃહ સોંપી આપવાનો નિર્ણય લેવામાં આવ્યો access_time 3:53 pm IST

  • કોરોના સંબંધિત પગલાઓ લેવાની તમામ સત્તા રાજય સરકારોને આપવામાં આવી છે : અમિતભાઈ : ગૃહમંત્રી અમિતભાઈ શાહે કહ્યું છે કે કન્ટેનમેન્ટ ઝોન સહિતના શું પગલાઓ લેવા તેની સંપૂર્ણ છૂટ રાજય સરકારોને આપવામાં આવી છે : ફેબ્રુઆરીના અંતથી આ છૂટ આપવામાં આવી છે, જે હેઠળ હવે રાજયોએ નક્કી કરવાનું છે કે તેમના રાજયમાં કન્ટેનમેન્ટ ઝોન કે લોકડાઉન સહિતના કેવા પગલા લેવા? access_time 3:56 pm IST

  • નક્સલીઓ સાથે ભયંકર અથડામણ દરમિયાન નક્સલીઓ એક જવાનને બાન પકડીને લઈ ગયા હતા. તેની લોકો સમક્ષ જે બેઇજ્જતી કરવામાં આવી, તે વિડિઓ કલીપ એબીપી ન્યુઝના એડિટર પંકજ ઝાએ પોતાના ટ્વિટર એકાઉન્ટ ઉપર શેર કરી છે. આવા નકસળીઓ માટે કોઈ શબ્દો વાપરવા એ પણ ઉચિત નથી લાગતું access_time 11:46 pm IST