Gujarati News

Gujarati News

News of Thursday, 8th March 2018

શાહી લગ્નઃ મેઘાન એક કરોડ રૂપિયાનો ગાઉન પહેરશે

બ્રિટીશ રોયલ કપલનાં લગ્નમાં બ્રિટનની તમામ સેલિબ્રિટિને આમંત્રણ

લંડન તા. ૮ : બ્રિટિશ રોયલ લગ્ન ફરી એક વાર ચર્ચાનો વિષય બનવા જઈ રહ્યું છે. પ્રિન્સ હેરી અને તેની ફિયાન્સે મેઘાન મર્કલનો લગ્નનો ખર્ચ બમણો થઈ ગયો છે. હવે એક એવી વાત આવી છે કે મેઘાન તેના લગ્નમાં અત્યંત મોંઘો ગાઉન પહેરવાની છે. તેની કિંમત ચાર લાખ પાઉન્ડ(અંદાજે એક કરોડ રૂપિયા)ની હોવાનું કહેવાય છે.

 

ઈઝરાયેલના ડિઝાઈનર ઈન્બાલ ડ્રોરે આ ગાઉનની ડિઝાઈન તૈયાર કરી છે. લુક નામના મેગેઝીનમાં છપાયેલી વિગતો મુજબ તેના લગ્નમાં સૌથી મોંઘી વસ્તુ આ ગાઉન હશે. એટલું જ નહીં, મેઘાન હનીમૂન માટે પ્રિન્સ હેરીને ગિફટ પણ આપવાની છે અને તેની કિંમત અંદાજે ૧,૨૦,૦૦ પાઉન્ડ(રૂપિયા ૧૨ કરોડ) હોવાનું કહેવાય છે. કપલે વિન્ડસર કાસલમાં ૨,૬૪૦ મહેમાનોને આમંત્રણ આપ્યું છે.

બ્રિટનની મોટાભાગની સેલિબ્રિટી આ લગ્નમાં હાજર રહેવાની છે. ૧૯મી મેના રોજ તેમના લગ્નનું રિસેપ્શન યોજાવાનું છે. મેઘાને કહ્યું છે કે તેમનું લગ્ન સામાન્ય લોકો પણ માણે તે માટે તેમણે ખાસ વ્યવસ્થા કરી છે. પ્રિન્સ હેરી અને અમેરિકી એકટ્રેસ એવી મર્કેલનું લગ્ન પંદરમી સદીના સેંટ જયોર્જ ચેપલમાં થવાનું છે.

કપલને સપોર્ટ કરવા માટે કેટલીક સખાવતી સંસ્થાઓને પણ આમંત્રણ આપવામાં આવ્યું છે. કેટલીક સ્કૂલનાં બાળકોને પણ તેમાં આમંત્રણ આપવામાં આવ્યું છે.

(9:57 am IST)
  • સુરત -જિલ્લા એસ.પી.એ પ્રવીણ તોગડીયાના અકસ્માતમાં મામલે પી.એસ.આઈ. રાજીવ સંધાડા અને બે કોન્સ્ટેબલ જીવન ભાઈ અને કોન્સ્ટેબલ રાજેન્દ્ર સિસોળેને કર્યા સસ્પેન્ડ access_time 9:24 am IST

  • મમતા બંગાળની ચિંતા કરે, દેશની નહિં: રામ માધવઃ ભાજપ મહાસચિવ રામ માધવે પશ્ચિમ બંગાળના મુખ્યમંત્રી મમતા બેનર્જીને જણાવ્યું કે, તે દેશની નહિં પણ પોતાના રાજ્યની ચિંતા કરે : તેઓએ વધુમાં જણાવ્યું કે, 'ત્રિપુરામાં કોઈ મૂર્તિ તોડવામાં નથી આવી. આ દુષ્પ્રચાર થઈ રહ્યો છે એક ખાનગી સ્થાન પર જેને મૂર્તિ લગાવી, તેને જ દૂર કરી' : તોડફોડ તો બંગાળમાં થઈ રહી છે access_time 3:49 pm IST

  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST