Gujarati News

Gujarati News

News of Friday, 9th February 2018

આ ટાપુ છ મહિના સ્પેનનો અને છ મહિના ફ્રાન્સનો થઇ જાય છે

લંડન તા.૯: યુરોપમાં આવેલી બિદાસોઆ નદીમાં આવેલો ફીસન્ટ નામનો નિર્જન ટાપુ આજની તારીખે ફ્રાન્સ દેશનો હિસ્સો કહેવાય છે, પરંતુ પહેલી ફેબ્રુઆરીથી ૩૧ જુલાઇ સુધી એ સ્પેનનો થઇ જશે. એ પછી ફરીથી છ મહિના એ ફ્રાન્સનો બનશે. માનવામાં નવાઇ લાગે એવું છે, પણ આ હકીકત છે. આ ટાપુ સ્પેન અને ફ્રાન્સની સીમાઓને જુદી પાડતી બિદાસોઆ નદી પર છે. અહીં સેકડો સીલનો જમાવડો થાય છે. આ ટાપુ બન્ને દેશોની એકદમ વચ્ચોવચ્ચ આવેલો હોવાથી એને ન્યુટલ ટેરિટરી માનવામાં આવે છે. પાણીના તેજ વહેણને કારણ હવે તો આ ટાપુનો અડધાથી વધુ હિસ્સો ખતમ થઇ ગયો છે. એ છતાં હેરિટેજ સાઇટ તરીકે આ ટાપુને ચોક્કસ ઉત્સવો વખતે ખુલ્લો મૂકવામાં આવે છે. ૧૬૫૯માં ફ્રાન્સ અને સ્પેન વચ્ચેનું યુદ્ધ ખતમ કરવા માટેની જે વાટાઘાટો હતી એ આ ટાપુ પર થઇ હતી. એ વાટાઘાટોમાં નક્કી કરવામાં આવેલુ કે આ એ ક ટાપુ બન્ને દેશો શેર કરશે. બસો મીટર લાંબો અને ૪૦ મીટર પહોળો આ આઇલેન્ડ નથી સ્પેનનો, નથી ફ્રાન્સનો અને છતાં છે બન્ને દેશનો.

(4:49 pm IST)
  • NEETની પરીક્ષા આગામી 6 મેના રોજ સવારે 10 વાગ્યાથી બપોરે 1 વાગ્યા દરમ્યાન લેવામાં આવશે. નીટની પરીક્ષા અંગે CBSEએ નોટિફિકેશન બહાર પાડ્યું છે. જે મુજબ વિદ્યાર્થીઓ http://cbseneet.nic.in વેબસાઈટ પર ઓનલાઇન અરજી કરી શકશે. સીબીએસઇ દ્વારા રજીસ્ટ્રેશનની પ્રક્રિયા શરૂ કરી દેવામાં આવી છે. CBSE દ્વારા માન્ય કરાયેલી ગુજરાતી સહિતની 8 ભાષાઓમાં NEETની પરીક્ષા લેવામાં આવશે. access_time 2:56 pm IST

  • માલદીવના રાજકીય સંકટમાં બે ભારતીય પત્રકારોની ધરપકડ કરવામાં આવી છે. આ બંને પત્રકારો જાણીતી ન્યૂઝ એજન્સી AFPમાં કામ કરતા હતા. મળતા અહેવાલ મુજબ અમૃતસરના મણી શર્મા અને લંડનમાં રહેતા ભારતીય મૂળના પત્રકાર આતિશ રવજી પટેલની માલદીવના રાષ્ટ્રીય સુરક્ષા કાયદા અંતર્ગત ધરપકડ કરવામાં આવી છે. access_time 9:43 pm IST

  • રાજસ્થાનના ભીલવાડામાં હલવો ખાધા બાદ પાંચના મોત :ત્રણ ગંભીર :હોસ્પિટલમાં ખસેડાયા ;ફૂડ પોઇઝનની અસર ;હલવામાં કોઈ ઝેરી પ્રદાર્થ પડ્યો કે કેમ ?તપાસ શરુ ;એક ઘરમાં હળવો ખાધા બાદ તબિયત બગડી :ભીલવાડાના ભૂટેલમાં બનાવ access_time 1:13 am IST