Gujarati News

જયૂરિખ,તા.૮: સ્વિત્ઝર્લેન્ડે તાબૂતના આકારના એક મશીનને મંજૂરી આપી છે. આ મશીનની મદદથી લોકો માત્ર ૧ મિનિટમાં કોઈપણ મુશ્કેલી વગર શાંતિપૂર્ણ રીતે મોતને ગળે લગાવી શકશે. આ મશીનને બનાવનારી કંપનીએ જાણકારી આપી છે. જાણવા મળી રહ્યું છે કે મશીનની અંદર ઓકસીજનનું સ્તર ખુબ ઓછુ થઈ જાય છે, જેનાથી વ્યકિતનું હાયપોકિસયા અને હાઇપોકૈનિયાથી મોત થઈ જાય છે.

આ મશીનને અંદર બેસીને પણ સંચાલિત કરી શકાય છે. આ મશીન તેવા દર્દીઓ માટે મદદરૂપ છે જે બીમારીને કારણે બોલી કે હલી શકતા નથી. આ મશીનને યૂઝર પોતાની પસંદગીની જગ્યાએ લઈ જવુ પડશે. ત્યારબાદ મશીનને નષ્ટ થવા યોગ્ય કેપ્સૂલ અલગ થઈ જાય છે જેથી તાબૂતની જેમ તેનો ઉપયોગ કરી શકાય. જાણવા મળી રહ્યું છે કે આત્મહત્યાનું મશીન બનાવવાનો વિચાર એનજીઓ એકિઝટ ઇન્ટરનેશનલના ડાયરેકટર અને ડોકટર ડેથ કહેવાતા ડોકટર ફિલીપ નિટસ્ચકે આપ્યો છે.

સ્વિત્ઝર્લેન્ડમાં મદદની સાથે આત્મહત્યા કરવી ગેરકાયદેસર માનવામાં આવી છે અને પાછલા વર્ષે ૧૩૦૦ લોકોએ આ સેવાનો ઉપયોગ આત્મહત્યા કરવા માટે કર્યો. ડોકટર ડેથે કહ્યુ કે, જો કોઈ અણધારી મુશ્કેલી નહીં આવે તો આગામી વર્ષ સુધી સાર્કો મશીનને દેશમાં ઉપલબ્ધ કરાવી દેશું. આ અત્યાર સુધીનો ખુબ મોંદ્યો પ્રોજેકટ છે પરંતુ અમને વિશ્વાસ છે કે અમે તેને શરૂ કરવાની ખુબ નજીક છીએ.

તો ડોકટર ડેથની મોટા પાયે ટીકા થઈ રહી છે. લોકો તેના મશીનના ઉપયોગ થનારી રીતને ખોટી ઠેરવી રહ્યાં છે. તેમનું કહેવું છે કે આ એક ગેસ ચેમ્બરની જેમ છે. કેટલાક અન્ય લોકોએ કહ્યું કે, આ મશીન આત્મહત્યાને પ્રોત્સાહન આપે છે. વર્તમાન સમયમાં બે સાર્કો પ્રોટાઇપ બનીને તૈયાર થઈ ગયું છે. હવે એક ત્રીજા મશીનને બનાવવામાં આવી રહ્યું છે જે આગામી વર્ષ સુધી તૈયાર થઈ જશે.